Shkencëtarët kanë gjetur se rajoni i Polit Jugor po shkrihet gjithnjë e më shumë dhe besojnë se për këtë përgjegjës është një pikë e ujit të nxehtë, e cila nuk është identifikuar asnjëherë më parë.
Një ekip shkencëtarësh nga Instituti britanik për Antarktik ka studiuar glacierin në këtë pjesë, kur zbuloi një vend të nxehtë që shkakton ndarjen masive të akullit.
Sipas IFL Science, pika është tre herë më e madhe se Londra, dhe gjendet nën një mur të konsoliduar amë nën sipërfaqen e Tokës.
Shkencëtarët përdorën një radar për të matur trashësinë e akullit dhe për të zbuluar pellgjet e mëdha në thellësi, kur gjetën një vend të pazakontë të nxehtë mbi të cilën gjendeshin muret dhe ujërat .
Ky vend i nxehtë ndikon në shkrirjen e akullit në gjatësi prej 100 km dhe 51 km të gjerë, por shkencëtarët thonë se nuk ka vend për shqetësim, pasi kjo zonë e nxehtë nuk mund të ndikojë në zhdukjen e kontinentit akullnajor në të ardhmen e afërt.
Besohet se arsyeja për shkrirjen e akullit është si rezultat i kombinimit të mureve radioaktive dhe ujit të nxehtë që vjen nga thellësia e tokës.
“Ky ishte një projekt realisht emocionues, një studim i pjesës së fundit të planetit për të cilin nuk dimë mjaftueshëm. Rezultatet tona ishin disi të papritura”, tha autori kryesor i studimit, Tom Jordan nga Instituti britanik për Antarktik.
“Ne kemi treguar se edhe brendia e kontinentit të lashtë, shtresa nën sipërfaqen e tokës kanë një ndikim të rëndësishëm në akull”, shtoi shkencëtari.
