Në emisioni “Shkruaje në akull” tashmë i njohur për sarkazmën e përdorur kundrejtë problematikave të ndryshme ,puntatën e djeshme ,nuk ka mbetur pa u ndalur tek 170 mijë euro në llogarinë e vetme që shteti shqiptar ka jashtë Shqipërisë të cilat Becchetti i ka bllokuar.
Historia Rama – Becchetti
Konflikti midis qeverisë dhe Becchetti filloi pas zgjedhjeve parlamentare të vitit 2013.
Pasi erdhi në pushtet, Kryeministri Rama anuloi dy koncesione të Becchetti nga periudha e Kryeministrit Fatos Nano, të cilat ishin rinegociuar gjatë qeverisë së Sali Berishës: një për ndërtimin dhe funksionimin e hidrocentralit në Kalivaç, dhe një për ndërtimin dhe funksionimin e një impianti riciklimi.
Ndërkohë, në vitin 2015, Zyra e Prokurorit të Përgjithshëm hetoi Becchetti për evazion fiskal. Fillimisht, akuzat kishin të bënin me evazion fiskal, falsifikim të dokumenteve dhe pastrim parash në shumën prej 39 milion €, por këto më vonë u reduktuan në evazion fiskal.
Më 5 qershor, Gjykata e Rrethit Tiranë urdhëroi ngrirjen e të gjitha pasurive të Becchetti, duke përfshirë kompanitë Energji, Cable System, 400KV dhe Fuqi. Bllokada gjithashtu rezultoi në mbylljen e ndërmarrjes së tij mediatike AgonSet dhe shkarkimin e rreth 500 punonjësve të Agon Channel.
Më 8 qershor, një urdhër arresti ndërkombëtar u lëshua për Becchetti për evazion fiskal dhe mashtrim.
Becchetti, si dhe një numër komentatorësh politikë, e cilësuan hetimin si një sulm të qëllimshëm të qeverisë Rama, për shkak të qëndrimit kritik të Agon Channel ndaj qeverisë.
Kryeministrit Rama postuar në 9 Qershor konfirmon këtë:
“Dekriminalizimi gjethe fiku që bie e nxjerr cullak PD-në kur goditet krimi! Bllokimi i burimit të parasë së zezë që ushqente AgonCH një sukses!”, shkruan Rama në Facebook.
Prokuroria lëshoi një urdhër-arresti për Becchettin dhe mamanë e tij, Liliana.Në nëntor 2015, Becchetti u arrestua në Londër dhe qeveria shqiptare kërkoi ekstradimin e tij.
Në korrik 2016, megjithatë, Gjykata e Magjistraturës në Westminster vendosi kundër ekstradimit, duke i quajtur provat e qeverisë “plotësisht mashtruese”.
Gjykata kishte gjetur se qeveria shqiptare kishte bërë, me qëllim, deklarata të rreme në kërkesën e ekstradimit, duke përfshirë informacione mashtruese në lidhje me legjislacionin shqiptar. Ai kualifikoi përpjekjet e qeverisë shqiptare për të qenë një “manipulim dhe uzurpim” i procesit juridik. Për këto arsye, ajo votoi kundër ekstradimit.
Fillimisht, qeveria njoftoi se do të apelojë vendimin. Por ditët e fundit para afatit të fundit, ajo informoi gjykatën se do të hiqte dorë nga një apel.
Kostot në rritje
Deri në Nëntor 2016, qeveria Rama ka shpenzuar mbi 4 milion € për tarifat ligjore përmes vendimeve të veçanta të Këshillit të Ministrave (VKM), jashtë kontrollit të Parlamentit.
Më 22 shtator 2015, KM vendosi për një pagesë prej 220,000 dollarë amerikanë për kostot administrative të arbitrazhit; 200,000 euro për avokatët mbrojtës.
Në të njëjtën datë, KM vendosi për një pagesë prej 39,050,000 lekë (rreth 280,000 euro) për avokatët që merren me çështjen e fabrikës së riciklimit.
Më 9 dhjetor 2015, KM vendosi për një pagesë shtesë prej 1.95 milion euro për avokatët që merren me çështjen e hidrocentralit të Kalivaç.
Më 2 nëntor 2016, KM vendosi për një pagesë tjetër shtesë prej 1.18 milion euro dhe 125,000 dollarë amerikanë për avokatët në çështjen Kalivaç. Kostot totale të çështjes për paguesin e taksave shqiptare nuk janë bërë të ditura.
07 janar 2021
Arbitrazhi i dha të drejtë, Becchetti fillon të mbledhë paratë. Merr 170 000 € nga “Eurocontrol” në Belgjikë.
Biznesmeni Italian Francesco Becchetti fillon mbledhjen e parave që i detyrohet Shqipëria pas fitimit të gjyqit në arbitrazh. Pas marrjes së dritës jeshile nga një gjykatë në Belgjikë, në bazë të një kërkese të njëanshme, mori të drejtën nga gjyqtari i shkallës së parë për të kryer konfiskimet nga ‘Eurocontrol’. Becchetti ka bllokuar 170 mijë euro në llogarinë e vetme që shteti shqiptar ka jashtë Shqipërisë, para këto që ishin të depozituara si pagesa nga ‘Eurocontrol’ për kompaninë shqiptare ‘Albcontrol’ nga kompanitë ajrore që përdoren hapesirën shqiptare për fluturim. Mediat ndërkombëtare bëjnë me dije se bllokimi i parave është një masë paraprake e cila mund të mbetet në fuqi edhe gjatë vitit 2021 edhe pse Shqipëria e ka kundërshtuar këtë veprim duke argumentuar se honoraret e kompanive të fluturimit për Albcontrol duhet të mos preken//
