Ministria e Jashtme e Rusisë njoftoi të hënën sanksione kundër 25 amerikanëve të tjerë – duke filluar nga anëtarët e Kongresit deri te liderët e biznesit dhe figurat kulturore, duke i ndaluar ata të hyjnë në Rusi në baza të përhershme.
Ministria e Jashtme ruse i njoftoi këto sanksione në përgjigje të “sanksioneve personale gjithnjë në zgjerim” nga administrata Biden kundër qytetarëve rusë, tha ajo në faqen e saj të internetit, duke shtuar se ajo po vepronte në parimin e reciprocitetit dhe po ndalonte qytetarët amerikanë nga ana tjetër.
Amerikanët e sanksionuar përfshijnë senatorët demokratë amerikanë Mark Kelley dhe Kristen Sinema, senatorët republikanë Kevin Kramer, Michael Rounds, Richard Scott dhe Patrick Toomey dhe aktorët amerikanë Sean Penn dhe Ben Stiller.
“Veprimet armiqësore të autoriteteve amerikane, të cilat vazhdojnë të ndjekin një kurs rusofobik, duke shkatërruar lidhjet dypalëshe dhe duke përshkallëzuar konfrontimin midis Rusisë dhe Shteteve të Bashkuara, do të vazhdojnë të kundërshtohen me vendosmëri”, shtoi Ministria e Jashtme.
