Në një intervistë për emisionin “3D nga Alban Dudushi”, Dumani tha se SPAK është i pavarur nga politika dhe se reagimet e tij nuk janë emocionale.
I pyetur nëse zgjedhjet e ardhshme do të ndikojnë në hetime, Dumani u shpreh se nuk do të ndalen dhe se kjo është puna e tyre.
Pjesë nga intervista
Altin Dumani: Ne nuk kemi marrë. Nuk kemi mbyllur zyrat e nuk do të ketë çështje. Kjo është puna jonë. Të hetojmë. Në momentin që hetimi maturohet dhe niveli I provave është i maturueshëm për të proceduar me masë sigurimi apo të pandehur në gjëndje të lirë do të keni lajme. Ne në punë jemi.
Ka pasur zëra që duke nisur nga janari do të filloni të ulni tempin për shkak të fushatës elektorale duke qenë se janë zgjedhjet në pranverë.
Altin Dumani: “Nëse krimi e merr pushim gjatë fushatës elektorale ne e ulim tempin. Cdo lloj krimi. Krim është dhe korrupsion në zgjedhje, edhe korrupsioni i zyrtarëve. Ne jemi në përmbushje të funksioneve tona. Nuk varemi as nga kushtet e motit as oreksi I rrymave të ndryshme që mund të jenë në vend
Edhe një vit mandat si kreu i SPAK po pastaj?’
Altin Dumani: Do vijoj të jem prokuror në prokurorinë e posacme. Do të kem më shumë mundësi të jem në sallën e gjyqit. Atje ndihem më mirë atje sesa këtu, në studio. Do të vijoj normalisht funksionin e prokurorit.
