Aktori i njohur Florjan Binaj ka reaguar për dhunën e ushtruar ndaj forcave të ushtrisë së Kosovë nga huliganët serbë si dhe për atë çfarë është duke ndodhur në Veri.
Në llogarinë e tij në “Facebook”, Binaj ka postuar foton ku protestuesi serb shihet teksa godet me shkop gome ushtarët dhe mbi të ka shkruar “Open Ballkan”.
Për këtë foto mjaft domethënëse, aktori ka zgjedhur dhe një shkrim të bërë nga Luan Gacaferi i cili liston një për një të gjitha gjërat që janë lënë pas për hir të “miqësisë”, mirëpo thekson se për hir të kësaj miqësie nuk do të humbin Trepçën, Ujmanin dhe veriun e Kosovës.
“Tani nuk do pranojmë që për miqtë t’a humbim edhe Trepçën e edhe Ujmanin, dhe gjithë veriun e Kosovës! Boll është boll!”, thuhet në një pjesë të shkrimit.
Për miqtë i dorzuam armët pas lufte!
Për miqtë e zhveshem uniformën e UÇK’së, pas lufte!
Për miqtë hjekem dorë nga ushtria jonë, pas lufte!
Për miqtë pranuam qe edhe mos të blejmë asnjë armë!
Për miqtë pranuam edhe 10 deputetë serb në parlament më 30 mijë vota!
Për miqt, pranuam që të shpallëmi Republikë multietnike me 95% shqiptarë!
Për miqtë pranuam ndarjen e Mitrovicës pas lufte!
Për miqtë i humbëm mijëra hektarë tokë me Maqedoninë
Për miqtë i humbëm mijëra hektarë tokë me Malin e Zi!
Për miqtë lejuam edhe targat e Millosheviqit në Kosovë!
Për miqtë pranuam edhe gjuhën serbe si gjuhë zyrtare edhe aty ku nuk ka asnjë Shkja!
Për miqtë i duruam hajnat për 20 vjetë!
Për miqtë mbetëm të bllokuar të vetmit në Ballkan!
Për miqtë edhe zavëndes kryeministrin e parë e pranuam Shkja!
Për miqtë e votuam edhe gjykatën e Hagës!
Për miqtë pranuam edhe krimineli Radojaiç të na poshtëron!
Për miqtë as urën e Ibrit nuk e kalum për 23 vjetë!
Për miqtë pranuam edhe flamurin kombëtar t’a zavendësojmë më flamurin me 6 ylla!
Për miqtë hoqem dorë edhe nga bashkimi kombëtar!
Për miqtë pranuam gjithçka e nuk morëm asgjë!
Tani nuk do pranojmë që për miqtë t’a humbim edhe Trepçën e edhe Ujmanin, dhe gjithë veriun e Kosovës!
