Zëvendëskryeministrja Belinda Balluku është bërë objekt thumbash dhe replikash mes kreut të Grupit Parlamentar të PD-së, Gazment Bardhi dhe kryetares së Kuvendit Elisa Spiropali.
Ndërsa Bardhi deklaronte se ministrja Balluku dhe kryebashkiaku i Erion Veliaj: “Janë gati të paguajnë vrasës me pagesë për të vrarë njëri-tjetrin”, ka ndërhyrë Spiropali duke i thënë se akuzat që po bën janë të rënda.
Më pas, Bardhi i është përgjigjur Spiropalit duke i thënë se në publik bën sikur e mbron, por sipas tij në privat thotë të tjera gjëra për të, sikundër edhe Balluku.
“Nuk lexoni dot zemra”- ka qenë replika e Spiropalit, ndaj Bardhit.
Pjesë nga diskutimi:
Bardhi: Sa i takon probleme tonë ta brendshme, ne jemi të hapur dhe i bëjmë në publik. Ne nuk jemi Erion Veliaj dhe Belinda Balluku që vriten dhe janë gati të paguajnë vrasës me pagesë për të vrarë njëri-tjetrin.
Spiropali: Të lutem Zoti Bardhi, këto janë akuza të rënda, nuk janë retorikë politike…
Bardhi: E para njëherë sa herë përmend Belindën bën sikur e mbron. E di shumë mirë sa e do, ndaj të lutem më lër ta mbaroj…
Spiropali: Zoti Bardhi ju nuk lexoni dot zemra. Nuk lexoni dot sa e dua unë Belinda Ballukun…
Bardhi: Di cfarë thua ti privatisht…
Spiropali: O zoti Bardhi, jo akuza…
Bardhi: Zemra nuk lexoj po di çfarë thua ti edhe ajo për ty privatisht për njëra-tjetrën.
Pra paguajnë vrasës me pagesë për të vrarë njëri tjetrin. Dhe në foto dalin si vëlla e motër.
