Personazhe të rinj, protagonistë të politikës të cilët nuk kanë qenë të angazhuar në linjën e parë të politikës, kanë vendosur që të kandidojnë në ato që mund të konsiderohen para-zgjedhje, primaret e Partisë Demokratike ose “Deputeti që duam” në Partinë Socialiste, ose partive të tjera politike me synimin për të garuar në zgjedhjet e 11 majit.
Pjesë e panelit të diskutimit mbrëmjen e djeshme në Opinionin ishin përfaqësues të katër formacioneve politike në vendin tonë, ku mes tyre ishte Ermand Mertenika nga Partia Socialsite i cili po garon në “Deputetin që duam!”.
Gjatë fjalës së tij, përpos modelit dhe qëllimit të tij, Mertenika nuk nguroi të shprehë dhe konsideratën që ka për kryeministrin Edi Rama. Por, teksa shprehte me entuziazëm simpatinë që ka për kreun e qeverisë, të cilin e përshkroi si një politikan me kulturë, etikë dhe sportist, ai u përball me replikat e Alesia Balliut e cila garon në Primaret e Partisë Demokratike.
Pjesë nga debati:
Ermand Mertenika: Modeli im është kjo. Unë e kam thënë faktikisht kryeministri Rama është model për mua. E di përse, kryeminsitri Rama është model. Sepse ne kemi parë një Shqipëri para 15 vitesh dhe një Shqipëri të sotme.
Alesia Balliu: Po kjo është e turpshme të jesh në një studio televizive dhe të thuash qe frymëzim është Edi Rama kur gjysma e qeverisë është në burg. Për çfarë është frymëzim? Për vjedhjen, korrupsionin? Ju jeni fiks deputeti që nuk duam!
Ermand Mertenika: Prit të ta sqaroj unë!
Alesia Balliu: Ju jeni fiks deputeti që nuk duam!
Ermand Mertenika: Një shembulli i mirë politikani dhe një deputeti është qetësia, komunikim, kultura dhe etika.
Alesia Balliu: Etika është kur nuk vjedh, kur nuk bën korrupsion, kur nuk ke gjysmën e qeverisë në SPAK o zotëri.
Ermand Mertenika : Atëherë dëgjo, ne jemi të rinj. Në këtë dalje televizive ne shprehim shumë mirë veten, kush është i kulturuar.
Alesia Balliu: Del në televizor se mos bëhet Veliaj pentito.
Ermand Mertenika : Alesja më dëgjo. Ne modeli i një politkani sot është kultura, si të jemi tolerantë që të mos ofendojmë njeri-tjetrit.
Alesia Balliu: Mu përgjigj një pyetje, Edi Rama është kryeministri i vendit, gjysma e qeverisë është në burg. Çfarë frymëzim të jep ty si i ri?
Ermand Mertenika : PS ka pasur edhe dje edhe pardje, ka pasur edhe më parë. Edi Rama, kryeministri Rama, është ai lider që unë e preferoj. Edhe unë jam marrë me basketboll, edhe Rama është sportist. Arti i të bërit gjëra shumë të bukura
Alesia Balliu: Çfarë përgjigje është kjo ore
