Ish-deputetja e PD, vajza e themeluesit të PD, Azem Hajdari, në një lidhje live me “Oponencë”, e pyetur se si mund të kishte reaguar Azemi pas zhvillimet të brendshme në PD, u shpreh se ai s’do të kishte lejuar të ndodhnin shumë gjëra.

Hajdari tha se ajo çka e karakterizonte Azemin ishte guximi që sot mungon në forumet e PD-së.

“Që nga zgjedhja e Bashës në krye të PD që tani në retrospektivë nuk duket fatkeqësia më e madhe por fenomeni, mënyra si u zgjodh, pa asnjë garë, me posto të caktuara, ishte i privilegjuar. Të gjitha këto gabime sjellin konseguencat e veta”, tha Hajdari.

Rudina Hajdari: Nëse do të ishte gjallë Azemi, PD do të ishte totalisht ndryshe. Sepse ai nuk do të kishte lejuar kurrë që shumë gjëra që kanë ndodhur në PD, të ndodhnin.

Që nga zgjedhja e Bashës në krye të PD që tani në retrospektivë nuk duket fatkeqësia më e madhe por fenomeni, mënyra si u zgjodh, pa asnjë garë, me posto të caktuara, ishte i privilegjuar.
Të gjitha këto gabime sjellin konseguencat e veta.

Dhe brenda PD kur nuk ka personazhe të fortë që bien ndesh me njëri-tjetrin, pavarësisht se në publik e mbronte, Azem Hajdari dhe Berisha  kanë patur përplasje të forta dhe babi e ka patur këtë guxim. Dhe ajo që mungon sot brenda forumeve të partisë është guximi. Në pushtet vjen vetëm përmes asaj fryme.

Deputeti i PD-së, Saimir Korreshi ka kërkuar në Kuvend praninë e ministres së Shëndetësisë, Evis Sala, që të japë llogari për një çështje që ai e sjell nga Lushnja.

Korreshi deklaroi se në pediatrinë e Lushnjës ka minj.

“Kisha një pyetje, atë ministren e Shëndetësisë a ju kanë zënë sytë? Doja ti tregoja pamjet e pediatrisë së Lushnjës, po na hanë minjtë. Po lozin minjtë te pediatria. Nuk është ajo godina që do rregullohet. Të vijë ajo ministrja, të lërë ato buzët e kuqe se s’po e sjellim për pilaf. Por bëhet fjalë për fëmijët. Po na hanë minjtë. Sa herë që pyes unë për interpelancë, ajo nuk vjen”, u shpreh Korreshi

Kryedemokrati, Sali Berisha u pyet në lidhje me garën për kreun e PD-së dhe zgjedhjet brenda kësaj force politike.

Gjatë foltores me demokratët në njësinë numër 5 në Tiranë, një qytetare iu drejtua Berishës se përse zgjedhjet për kreun e partisë po zhvillohen pa larmishmëri kandidatësh.

“Doktor, meqenëse janë zgjedhjet për kryetarin e partisë, doja të pyesja, sepse deri tani kemi parë që askush po nuk ndihnt për të konkurruar me juve. Mua më pëlqen gara, gara të rrit, të zbukuron. PD në gjithë këto vite nuk ka liderë, s’ka prodhuar liderë të tjerë të konkurrojnë me ju? Qoftë edhe nënkryetarët e partisë, janë numrat 2, duhet të bëhen numri 1″,- u shpreh qytetarja.

Në përgjgigje, Berisha u shpreh se arsyeja e vetme se përse në Partinë Demokratike nuk ka garë për lidershipin, sipas tij, është përtacia.

Deputeti socialist, Erion Braçe kritikoi sot disa prej institucioneve në vend, përfshi edhe ministrinë e Bujqësisë për mos kthim të përgjigjeve lidhur me disa informacione që kishte kërkuar për interpelancat me anëtarë të kabinetit qeveritar.

Duke folur në seancë tha si se megjithëse kishte dërguar kërkesat për informacion për çështjen e kafshëve të braktisura, agjencia përkatëse i kishte kthyer një përgjigje që nuk ka kompetencë për çështjen.

“Sot kanë skaduar afatet për kërkesat për informacion me ministrinë e brendshme, bashkinë e Tiranës, me AMF-në, me AKU-në, të gjitha në funksion të një interpelance me ministrin e Brendshëm, dy interpelannca me ministrin e Infrastrukturës dhe një me ministrin e Bujqësisë. Unë e kuptoj që edhe nëpër zyra shteti ka njerëz që nuk duan ta bëjnë punën, por që të kenë këtë mungesë respekti për Kuvendin, është e tepërt”, tha Braçe.

“I jam drejtuar Agjencisë Kombëtare të Veterinarisë dhe mbrojtjes së bimëve në kuadër të interpelancës që thashë dhe kam marrë dy përgjigje prej tyre, një prej agjencisë e cila thotë “nuk është kompetencë e imja të kthej përgjigje” dhe një nga ministri që thotë “ nuk dua të bëj interpelancë me ty se nuk e kam kompetencë”. Kam marrë ligjin për shërbimin veterinar që ngarkon ministrinë e Bujqësisë për problematikën që kërkon informacion lidhur me kafshët shoqëruese, të braktisura, shëndetin e tyre dhe mënyrën e trajtimit të tyre”.

“I kam kërkuar të shprehet për kontrollet e ushtruara ndaj organeve të pushtetit vendor. Unë e kuptoj që ka njerëz edhe në qeveri që nuk duan të bëjnë punë e tyre. Unë jam këtu për të bërë punën time. Në qoftë se kjo histori vazhdon kështu që 7 kërkesave nuk u përgjigjet askush, më mirë na thoni të mos bëjmë kërkesë për marrje informacioni, as të mos bëjmë interpelanca. Çfarë e dinë këta Kuvendin e Shqipërisë?”, deklaroi Braçe.

Monika Kryemadhi, e ftuar në emisionin “Shqipëria Live”, ka treguar reagimet e fëmijëve të saj për daljet televizive.

“Jemi me dorë në zemër me ty. Kur del ti në TV jemi të tmerruar”, janë shprehur ata, sipas Kryemadhit.

Ajo u ndal edhe te klima sociale në vend, duke e cilësuar Shqipërinë si një shoqëri që shpesh paragjykon dhe sulmon.

“Shqipëria është një vend bullizues. Në momentin që të sheh që të rrëshqet pak këmba, të godet. Tregon një shoqëri të parealizuar emocionalisht”, tha ajo.

Kryemadhi shtoi se me kalimin e kohës, edhe fëmijët e saj janë bërë më indiferentë ndaj komenteve negative. “Në fund të ditës, ata duhet të kenë një jetë ndryshe nga ne”, përfundoi ajo.

Elisa Spiropali është shfaqur e vetme në homazhet për ndarjen nga jeta të profesorit të socialistëve, intelektualit të majtë Servet Pëllumbi. Në anën tjetër, Grupi Parlamentar i PS ka qenë i gjithi i bashkuar dhe mes tyre mungonte vetëm Spiropali.

E pyetur për këtë episod, ish-ministrja e Jashtme dhe ish-kryetarja e Kuvendit të Shqipërisë, është shprehur se ajo ka qenë e vetme për shkak se “Unë i kam kryer homazhet si ish-kryetare e Kuvendit. Këtu vend kanë të gjithë, pavarësisht posteve të tyre.”

Elisa Spiropali shmangu përpara gazetarëve “akuzat” ndaj socialistëve, në respekt edhe të ngjarjes ku po merrte pjesë, por mesa duket përjashtimi i saj nga Grupi Parlamentar i Partisë Socialiste sot është bërë fakt.

Teksa u ndal tek Servet Pëllumbi, ajo tha se ai ka qenë “Një burrë i urtë me një energji të mirë, e cila gjithmonë përcillej në jetën e tij publike dhe në jetën private.”.

Këtë të mërkurë, familja, miqtë dhe bashkëpunëtorët politikë po i japin lamtumirën e fundit një prej figurave më të rëndësishme të së majtës shqiptare, ish-kryetarit të Kuvendit, profesorit të socialistëve, Servet Pëllumbi, i cili u nda nga jeta një ditë më parë në moshën 89-vjeçare.