Deklaratë nga Avokati Erald Aga, Kandidat për Avokati i Popullit (me 45 firma deputetësh të Opozitës) 12 orë para se të votohet nesër në Parlament se kush do jetë!
“Nesër në Parlament është caktuar të votohet për “Avokatin e Popullit”. Ky institucion ka degraduar aq sa nga dosja e SPAK-ut për Erion Veliaj rezulton se ky institucion është kthyer në vend krimi, ku aktorët politik bëjnë pazare.
Me krenari e them se nga të gjithë kandidatët kam marrë më shumë firma, plot 45 të tilla madje duke i takuar një më një deputetët firmëtarë. Por me keqardhje e them që kjo klasë politike këtë proces e ka kthyer në estradë dhe nuk duan një kandidat të ndershëm, idealist dhe korrekt me ligjin.
Me gjasa nesër zgjedhin ose kandidatin e pazareve ose do mbajnë pazarxhien aktuale sipas dosjes së SPAK-ut.
Nëse procesi do ishte i drejtë, meritokratik dhe i ndershëm, kandidati që duhet të zgjedhin nesër jam unë sepse jo vetëm kam marrë mbështetjen me firma thuajse nga një shumicë prej 1/3 të firmave si kandidat nga 1/5 e kërkuar por jam i paanshëm, jo politik, jo çun babi deputet/ministër apo që t’i kem shërbyer partive politike. Gjatë gjithë karrierës time kam qenë në shërbim dhe mbrojtje të të drejtave të njeriut pa bërë kompromis me askënd.”
