Gardisti Leard Xhika i arrestuar ditën e djeshme pasi përndiqte dhe i kërkonte lidhje intime një gruaje në Tiranë ishte i martuar.
Xhika punonjës i Gardës së Republikës prej pesë vitesh, me detyrë shërbimi nënoficer është arrestuar në flagrancë nga policia e Tiranës për veprën penale të “Përndjekjes”.
Arrestimi i tij u bë pasi 39- vjeçarja E.L., është paraqitur në polici dhe ka kallëzuar se punonjësi i Gardës, në mënyrë të përsëritur prej një periudhe 5 mujore e ka përndjekur duke i kërkuar me insistim që ata të krijonin lidhje intime.
Përndjekjen ndaj saj, 29- vjeçari e ka kryer duke i bërë presion me anë të telefonit si edhe duke e kontaktuar fizikisht atë në vendet e frekuentuara prej saj, si në punë, afër banesës dhe ambiente të tjera publike.
Por Xhika duket se nuk i ka menduar pasojat e veprimeve të tij, për më tepër që rezulton i martuar dhe me fëmijë.
Në rrjetet sociale ai ka publikuar foto me të shoqen dhe fëmijët e tyre duke krijuar idenë e një familjari të rregullt. Por denoncimi i E.L., e nxori zbuluar duke bërë që këtë të martë në orën 16:30 sapo gardisti ka lënë shërbimin, të vihet në pranga
