Të ftuarit e “Fan Club” për ditën e sotme kanë komplimentuar Tan Brahimin për lojën e tij të pastër që ka bërë brenda shtëpisë së “Big Brother VIP2”.
Teksa ishte i pranishëm edhe ai në studio, Milaim Zeka i tha se ‘hyri si burrë dhe doli si burrë’.
Duke komentuar mënyrën se si Eva Alikaj u përjashtua nga shtëpia më e famshme në Shqipëri, gazetari i njohur tha ‘një aktore aq e madhe e dhjenë gjithë karrierën’. Zeka i tha Tani që ka bërë mirë që ka menduar edhe për fëmijë e tij jashtë.
“Nuk ke hyrë vetëm për lojë, ke menduar edhe për fëmijët e tu. Se edhe Bledi hyri si burrë por nuk doli ashtu. Ja kam thënë edhe atij”, tha gazetari i njohur.
Aktori i humorit e falënderoi gazetarin për fjalët e mira dhe iu përgjigj:
“Kisha frikë në një moment se mos dilja me zarf të zi. Se mendoja do vijë ndonjë të më ngacmojë dhe do reagoja keq”.
