Pas javësh presion nga demokratët dhe opinionistët nga mediat më të rëndësishme, por sidomos pas ngritjes në piedestal të Donald Trump, Joe Biden ka deklaruar sot se do të tërhiqet nga gara për një mandat të dytë.
Në një letër të postuar në llogarinë e tij në rrjetet sociale, ai tha se ka qenë nderi më i madh i jetës së tij të shërbejë si president.
“Dhe ndërsa synimi im ka qenë të kërkoj rizgjedhjen, besoj se është në interesin më të mirë të partisë sime dhe të vendit që unë të tërhiqem dhe të fokusohem vetëm në përmbushjen e detyrave si President për pjesën e mbetur të mandatit tim”.
Ai tha në deklaratën e tij se do t’i drejtohet kombit për këtë çështje javën e ardhshme.
Presidenti Biden falënderoi zëvendëspresidenten e tij Kamala Harris, duke thënë se ajo ishte një “partnere e jashtëzakonshme”.
