Kur vendi është pushtuar prej temperaturave të ulëta dhe ngricave, një ndodhi e pazakontë është parë edhe në afërsi të Vlorës. Kjo është laguna e Nartës e cila ka ngrirë.
Banorët dhe peshkatarët e zonës tregojnë se e tillë ngjarje është shënuar rreth 50 vite më parë por gjithsesi kësaj here ajo ka përmasa të tjera. Me ngrirjen e ujit kanë ngrirë edhe gjallesat. Peshkatarët kanë shpejtuar të mbledhin sa të munden peshk duke çarë akullin.
Prej ditësh edhe liqeni i Ohrit në Pogradec ofron një spektakël natyror me format që ka marrë uji i shndërruar në akull.
Ngrirja e liqeneve në të gjithë vendin ka bërë shumë njerëz të argëtohen si rrallë ndonjëherë, me të rinj që bëjnë patinazh në ujërat e ngrira të liqenit të Përrenjasit dhe në liqenet e Dumresë. Edhe në kanionet e Skraparit natyra ofron spektakël.
