Një aksident i rëndë ndodhi në orët e para të mëngjesit në aksin rrugor Librazhd-Prrenjas.
Një automjet tip “Volkswagen” i drejtuar nga Arjan Yze, 55 vjeç dhe bashkëshortja e tij Majlinda Yze, 50-vjeçe, doli nga rruga dhe ra në ujërat e përroit të Lengajcës, të lumit Shkumbin.
Për pasojë kanë humbur jetën burrë e grua.
Aksidenti u pikas me vonesë dhe për çiftin e bashkëshortëve nuk ka pasur asnjë mundësi shpëtimi.
Në vendin e ngjarjes shkuan policia dhe reparti zjarrfikës, të cilët nxorën trupa e pajetë dhe automjetin.
Burrë e grua udhëtonin nga Tirana në drejtim të vendbanimit të tyre, Devollit.
Sipas të dhënave paraprake, Arjan dhe Majlinda Yze ishin duke komunikuar me familjarët e tyre, por papritur linja u shkëput, në orën 20:00 të së dielës, duke bërë që familjarët të kuptonin se diçka kishte shkuar keq.
Ndaj dhe familjarët kanë lajmëruar policinë dhe kanë kërkuar gjatë gjithë aksit Pishkash-Përrenjas.
Mjeti u gjet i rënë në përrua, por bashkëshortët fatkeqësisht kishin humbur jetën.
Një grup hetimor po punon për zbardhjen e rrethanave të ngjarjes. Dyshohet që shkak të jetë bërë përgjumja.
