Komisioni Qendror i Zgjedhjeve u jep mandatet dy deputetëve të rinj të cilët marrin mandatet e Shkëlqim Selami dhe Dashamir Tahirit.
Në mbledhjen e ditës së sotme, me 7 vota pro, Komisioni Qendror i Zgjedhjeve vendosi që Tahiri të zëvendësohet nga kandidati i PDIU, Edmond Zejno.
Ndërkohë Shkëlqim Selami i dalë nga radhët e LSI, u zëvendësua nga Flamur Çelaj, i cili vijon listën e kandidatëve për qarkun e Vlorës për këtë parti.
Vendimi i KQZ, vjen pas ndërprerjes së mandateve të deputetëve Shkëlqim Selami dhe Dashamir Tahiri në kuadër të nisjes së zbatimit të ligjit për dekriminalizimin.
Ndërkohë Selami dhe Tahiri e kanë ankimuar vendimin e KQZ në Gjykatën Administrative dhe kanë paralajmëruar se do ta dërgojnë edhe në Gjykatën Kushtetuese ligjin e dekriminalizimit.
Dy deputetët e rinj do të bëjnë betimin në seancën e parë parlamentare për vitin e ri.
