Një ngjarje e rëndë ka ndodhur gjatë mesditës së sotme në lagjen “Kongresi i Përmetit”, në Shkodër. Një 16 vjeçar ka plagosur me thikë bashkëmoshatarin e tij pas një sherri mes tyre.
Për pasojë, i mituri është transportuar në spital në kujdesin e mjekëve, dhe është jashtë rrezikut për jetën.
Autori i ngjarjes është arratisur dhe po punohet për arrestimin e tij.
Shkodër/Informacion paraprak
Rreth orës 14:00, në lagjen “Kongresi i Përmetit”, në rrugë, gjatë një konflikti të çastit ndërmjet dy 16-vjeçarëve, shtetasi Xh. P. ka dëmtuar me mjet prerës shtetasin K. L., i cili ndodhet në spital, në kujdesin e mjekëve, dhe është jashtë rrezikut për jetën.
Shërbimet e Policisë vijojnë intensivisht krehjen e zonës, me qëllim kapjen e shtetasit Xh. P.
Ndërkaq, grupi hetimor po punon për sqarimin e plotë të rrethanave të rastit.
