Sot në orën 17:00 do të zhvillohet manifestimi i thirrur nga presidenti i vendit Ilir Meta, që siç ka thënë, bëhet për të mbrojtur Kushtetutën e Shqipërisë. Në lidhje me këtë manifest, Policia e Shtetit ka marrë të gjitha masat e duhura për mbarë-vajtjen e saj. Policia e Tiranës ka nisur të zbatojë masat e saj. Në terren pritet që të zbresin rreth 1000 policë. Gjatë kësaj kohe, Policia Kriminale ka inspektuar zonën. Dera kryesore e Kryeministrisë është mbuluar me material metalik. Policia e ka dhënë lejen për tubim. Policia Rrugore ka nisur të inspektojë zonën përreth.
Po ashtu, edhe ambulanca e të tjera mjete janë në vendngjarje. Autobusët që vijnë nga veriu do të ndalohen tek “Asllan Rusi”, ndërsa autobusët që vijnë nga jugu do të parkohen tek Fakulteti Ekonomik.
