Ministrja socialiste Elsia Spiropali u ka bërë thirrje organeve kompetente që të hetojnë deri në fund dhe të vendosin drejtësi për aksidentintragjik që ndodhi ditën e sotme në aksin Fier – Vlorë.
Ajo thotë se nuk duhet të ketë asnjë tolerim për shkeljet rrugore, sidomos për tejkalim shpejtësie, pasi jeta është e shenjtë.
“Ngjarja e rëndë në aksin Fier-Vlorë është VRASJE, dhe meriton ndëshkim maksimal.
Hetim dhe drejtësi deri në fund, për të gjitha rastet.
Asnjë tolerim për çdo shkelje rrugore, sidomos për çdo tejkalim shpejtësie.
Mbi gjithçka, ndërgjegjësim, në familje, në shkollë, kudo.
Jeta s’ka çmim!
Jeta është e shenjtë!
Shpirtrat e tyre u prehshin në paqe”, shkruan Spiropali.
Kujtojmë se në aksidentin që ndodhi paraditen e sotme në aksin Fier – Vlorë humbën jetën 4 pjesëtarë të një familje, mes tyre edhe dy vajzat 9 dhe 14 vjeçe.
