Kryetarja e LSI, Monika Kryemadhi ka shprehur mesazhe ngushëllimi për ndarjen nga jeta të ish-presidentit Bujar Nishani.
Ajo shkruan se ikja e parakohshme e tij, është një lajm i hidhur për familjen dhe politkën shqiptare.
Kryemadhi thotë se Nishani ishte zyrtari dhe ushtaraku më i mirë që karakterizohej nga integriteti dhe vlerat më të larta njerëzore.
“Ngushëllime familjes Nishani!
Ikja e parakohshme e Presidentit Nishani është një lajm i hidhur për të gjithë, ndërsa mendimet tona në këto momente janë me Odetën, fëmijët dhe familjarët e tij. Bujar Nishani ishte zyrtari, ushtaraku, qytetari i shtetit e miku i mirë, që karakterizohej nga integriteti dhe vlerat më të larta njerëzore. Kujtimi dhe kontributi i tij për vendin do të mbetet i paharruar!”, shkruan Kryemadhi.
