Humbja e 11 majit dhe mungesa e analizës ka krijuar tensione në bazën e Partisë Demokratike.
Sali Berisha ka urdhëruar deputetet të zbresin në terren, por lidershipi po haset me përplasje.
Mbledhja e kryesisë në degën e PD në Kamëz-Paskuqan ku ishte i pranishëm Sekretari i Përgjithshëm Flamur Noka dhe deputetja Albana Vokshi është shoqëruar me debate, pasi njëra prej anëtareve të Kryesisë i ka kërkuar “llogari” numrit dy të partisë se pse primaret nuk janë zbatuar siç parashikon statuti ai dhe ka shprehur shqetësim për anashkalimin e bazës në vendimmarrje.
Në videon e mëposhtme demokratja dëgjohet teksa shpreh një indinjatë të thellë ndaj drejtuesve në qendër të PD, por ajo mori një përgjigje arrogante nga Noka.
Më pas ajo dëgjohet që t’i drejtohet Nokës se prej tij nuk do të qëndronte asnjë sekondë në këtë parti, por është aty prej kontributeve që ka dhënë.
