Dhëndri i ish-kryeministrit Sali Berisha, Jamarbër Malltezi, ka reaguar për herë të parë ndaj raportimeve që pretendojnë për një lidhje familjare mes tij dhe Ergys Agasit.
Në një reagim të publikuar në rrjetet sociale, Malltezi thotë se nuk e di nëse Agasi është kushëri i dytë, i tretë apo i katërt, ndërsa thekson se nuk e ka takuar kurrë.
“Meqë Edi Rama po përpiqet të më bëjë me kushëri tani mbi 50 vjeç, po i jap përgjigjen që meriton”, shkruan Malltezi.
Ai vijon reagimin me akuza ndaj Agasit dhe pretendon se ky i fundit ka bashkëpunuar me persona të tjerë kundër tij dhe Sali Berishës.
“Hajna dhe banditë si Ergysi i Ramës mund të kemi në fis të gjithë. Nuk ia kam idenë nëse është kushëri i 2, 3 apo i 4, se kurrë nuk e kam takuar atë”, shkruan Malltezi.
POSTIMI I PLOTË:
Meqë Edi Rama po përpiqet të më bëjë me kushëri tani mbi 50 vjeç, po i jap përgjigjen që meriton: Hajna dhe banditë si ergysi i ramës mund të kemi në fis të gjithë.
Nuk ia kam idenë nëse është kushëri i 2, 3 apo 4 se kurrë nuk e kam takuar atë bastard që bënte pisllëqe me irena gjokën me 3 mbiemra për të burgos mua dhe liderin e opozitës.
Po ashtu kurrë nuk kam takuar as albën që atë e di se e kam kushërirë të 2 por se burri i saj leçjan ka përla tokën time. Banditët i shërbejnë kryebanditit edi rama se me të vjedhin, rrëmbejnë e vendosin gjoba.
