Të tjera detaje janë zbardhur në lidhje me dy të rinjtë, të cilët tentuan t’i merrnin 100 mijë euro presidentit të FSHF-së, Armand Duka përmes mashtrimit, duke u prezantuar si Taulant Balla.
Gjatë marrjes në pyetje, O.Balla ka dhënë një version për mënyrën se si është përfshirë në këtë ngjarje.
Sipas deklarimit të tij, ai ka marrë një mesazh në Instagram, ku i është premtuar se do të fitonte 2 mijë euro dhe se për këtë duhej të kontaktonte një person përmes një numri telefoni.
Balla ka deklaruar gjithashtu se nuk e njihte më parë Edison Korrën, personin tjetër që u arrestuar për këtë ngjarje. Sipas tij, një person ka shkuar me makinë dhe i ka dhënë një numër telefoni, përmes të cilit më pas ka komunikuar me djalin e Armand Dukës.
Ndërkohë, E.Korra ka dhënë një tjetër version. Ai ka deklaruar se Balla e ka kontaktuar në një lokal dhe i ka propozuar që të merrte një porosi.
Nga grupi hetimor ka dyshime se autorët gënjejnë, pasi dëshmitë janë kontradiktore.
