Festat e fundvitit janë periudha në të cilën qytetarët shqiptarë kryejnë shpenzimet më të mëdha.
Vitet e fundit shumë dyqane ofrojnë ulje që variojnë nga 20% deri në 50%. Po sa reale janë ato?
Një pjesë e qytetarëve janë shprehur se tabelat e uljeve vendosen më shumë për të tërhequr klientelë. Ata thonë se në Shqipëri mungon kultura e ofertave të mirëfillta siç ndodh në shumë vende të botës.
Çdo fundvit, një prej ankesave më të mëdha të konsumatorëve është dhe rritja e çmimeve.
“Nuk ka ulje përkundrazi ka ngritje. Edhe qumështi ishte rritur me 5 lekë. Dhe dyqanet i nxjerrin kot lajmërimet, sepse nuk ka ulje”.
Ndonëse ka edhe qytetarë që i vlerësojnë uljet sado të vogla që mund të jenë.
Pavarësisht kontrolleve të shumta gjithmonë ka rritje të çmimeve për festa si për produktet ushqimore ashtu edhe për ato të veshjeve.
