Avokat Spartak Ngjela e sheh si diçka pozitive për Partinë Socialiste, faktin që Erion Braçe ka shpallur kandidaturën e tij për Bashkinë e Tiranës.
Ngjela tha se nëse Braçe del në krye të bashkisë së Tiranës ai do t’i tregojë historisë dhe opinionit publik se është një një nga figurat kryesore në Partinë Socialiste.
Sipas avokatit, deputeti socialist më pas është thuajse i barabartë me kreun e PS-së Edi Rama.
“Braçe ka dalë vetë nuk është propozuar nga partia. Çdo parti mund të nxjerrë tre-katër kandidatë por vetëm një del. Nëse del Braçe kryetar bashkie do të kemi një ndryshim në Partinë Socialiste. Këtu kemi një konflikt midis Ramës dhe Braçes. Nëse Braçe del në krye të Bashkisë është një figurë thuajse e barabartë me kryetarin e Partisë. Me këtë ai i tregon kohës se është njeriu kryesor i PS”, tha Ngjela në Report TV.
Kujtojmë që Erion Braçe ka shpallur kandidaturën për Bashkinë e Tiranës, ndërkohë që PS më parë ka caktuar ish-ministren Ogerta Manastirliu për këtë post.
