Ish Prokurori i Përgjithshëm Adriatik Llalla është dënuar me dy vite burg nga Gjykata Speciale për fshehje të pasurisë.
Seanca e fundit u mbajt paraditen e sotme, ku avokati i Llallës kërkoi rrëzimin e akuzave dhe heqjen e sekuestros ndaj disa pronave të klientit të tij.
Megjithatë togat e zeza vendosën të shpallin fajtor ish-kreun e akuzës për “fshehje të pasurisë” në tre episode dhe ta dënojnë me dy vite heqje lirie, duke e dënuar me dy vite burg dhe heqje të së drejtës për ushtrim të funksioneve publike.
Seanca ka kaluar e qetë, ndërsa Llalla ka qëndruar në heshtje teksa ka dëgjuar vendimin. Gjatë largimit nga salla e gjyqit, ai nuk ka pranuar të bëjë asnjë koment për mediat.
Pasuritë e konfiskuara të ish-kryeprokurorit Llalla:
Apartament banimi, me sipërfaqe 67.2 m², ndodhur në Durrës;
Tokë arë, me sipërfaqe 4.500 m², ndodhur në Tiranë;
Tokë arë, me sipërfaqe 12.300 m², ndodhur në Tiranë;
Tokë arë, me sipërfaqe 3000 m², ndodhur në Tiranë;
Tokë arë, me sipërfaqe 2250 m², ndodhur në Tiranë.
