Ministri i Mbrojtjes Niko Peleshi ndoqi nga afër një ditë nga trajnimi i efektivëve të Forcës Tokësore nga një grup i Brigadës së Sigurisë dhe Trajnimit të Komandës Evropiane të SHBA (SFAB). Peleshi tha se ky trajnim i shërben rritjes së nivelit të Forcave të Armatosura shqiptare, si pjesë e NATO-s dhe çertifikimit, në shtator nga Aleanca.
Nga ana e tyre Komandanti i Forcës Tokësore gjeneral brigade Arben Kingji si dhe Kapiten Peter Habsburg, drejtues i Brigadës dhanë më shumë detaje rreth trajnimit.
Aktualisht në Zall Herr është akomoduar një ekip i SFAB, në përbërje të të cilit ka ekspertë të fushave të ndryshme (artileri, shëndetësi, ndërlidhje, taktikë, logjistikë, xheniere, përgatitje shtabi, etj) që do të sigurojnë asistencë të specializuar për GBKL.
