Qytetarët e Vlorës dhe shoqëria civile janë mbledhur sërish ditën e sotme në protestë pranë sheshit të flamurit në Vlorë.
Kjo është protesta e dytë e zhvilluar në Vlorë pas asaj të ditës së diel zhvilluar në “Sheshin e flamurit”.
Kjo protestë po zhvillohet në kuadër të projektit në sheshin e flamurit, pasi sipas qytetarëve po tjetërsohet historia.
Sipas qytetarëve, projekti në këtë shesh po rrënon historinë në një shesh që i përket jo vetëm Vlorës por edhe gjithë shqiptarëve kudo ku janë.
Disa nga kërkesat e qytetarëve janë transparenca mbi këtë projekt dhe fondet e investimit, por mbi të gjitha mbi faktin se në këtë shesh po rrënohet historia e qytetit të pavarësisë por edhe e gjithë shqiptarëve.
Edhe ditën e dielë një grup qytetarësh dhe përfaqësues të shoqërisë civile në Vlorë kanë protestuar, ndërkohë që nëse nuk plotësohen kushtet e tyre atëhere protestat do të përshkallëzojnë.
