Kreu i Grupit Parlamentar të LSI Petrit Vasili ka reaguar në një postim në rrjetet sociale mbi situatën në të cilen gjenden sot shqiptarët.
“40% të shqiptarëve në varferi të rëndë,qeveria barkplotë qesh me popullin barkbosh”, shkruan drejtuesi i lartë i LSI. “Shifrat që Banka Boterore jep për varfërinë do të kishin detyruar çdo qeveri të largohej për shkak të fajit social shumë të madh që rëndonte mbi të”.
“Qeveria e dhembshur ndaj oligarkëve, që ju përgjysmon atyre tatimin mbi fitimin nga 15% në 8%, për të varfërit është e egër, e shurdhër dhe e pandjeshme”, shkruan Vasili.
Ja postimi i plotë:
40% të shqiptarëve në varfëri të rënde,qeveria barkplotë qesh me popullin barkbosh.
Asgjë tjetër më qartë se varfëria nuk tregon se çfarë ka bërë një qeveri për njerëzit.
Varfëria në Shqipëri është ulur këmbëkryq në 40% të popullsisë.
Qeveria është nën akuzë nga varfëria dhe nga qytetarët të cilët e vuajnë në mënyrë të tmerrshme atë.
Shifrat që Banka Boterore jep për varfërinë do të kishin detyruar çdo qeveri të largohej për shkak të fajit social shumë të madh që rëndonte mbi të.
Qeveria e dhembshur ndaj oligarkeve, që ju përgjysmon atyre tatimin mbi fitimin nga 15% në 8%, për të varfërit është e egër, e shurdhër dhe e pandjeshme.
Faktet janë keto:
“Në Shqipëri 1,1 përqind të popullsisë jeton me më pak se 1,90 dollarë në ditë. Sipas Bankës Botërore 31,3 përqind e popullsisë në Shqipëri jeton me më pak se 5,5 dollarë në ditë. Më shumë se jetojnë në varfëri ekstreme, kjo pjesë e popullsisë lufton të përmbushë kërkesat bazë të jetës si banesa, shëndeti, edukimi dhe aksesi në ujë dhe kanalizime. 7,7 përqind e popullsisë jeton me 3,10 dollarë në ditë.
Përveç urisë dhe mungesës së ushqimit të mjaftueshëm, varfëria është edhe akses i limituar nëñ edukim dhe shërbime të tjera bazë, është diskriminim social dhe mungesë pjesëmarrjeje në vendimmarrje”.
Ndaj koha për të reaguar është sot sepse qeveria barkplotë nuk do të dijë asfare për popullin barkbosh.
