Analisti Lorenc Vangjeli deklaron se: “I vetmi që e kupton procesin e zgjedhjes së Presidentit është Edi Rama, i cili i ka dhe të gjitha letrat në dorë.”
Sipas tij, tre raundet e para do të dështojnë dhe më pas shumica do të zgjedhë presidentin që do.
“Janë shumë larg, real-politikës. I vetmi njeri që e kupton këtë proces është ai që i ka votat e nevojshme për ta zgjedhur. Do dështojë edhe i dyti edhe i treti. Në të katërtin, Rama do të nxjerrë dy kandidatura. Për momentin, nuk kanë ende një short-listë. Teatër komik që luajnë për negociata. Paketën e ka vetë Rama vetë që s’ua tregon as të vetëve.”, tha ai.
Kurse, duke u kthyer tek opozita dhe roli që ajo ka në këtë proces, Vangjeli theksoi se s’mund të vendosen kushte pasi kjo do të ishte tallje me vetveten. Ajo që opozita duhet bëjë sipas analistit, është që të paktën të imponohet me emra që mund të bindin publikun.
“Alibeaj e Berisha s’kanë asgjë të tillë. Berishën s’e pranojnë fare në tryezë. Vendos kushte PD e Alibeajt, nuk kanë mundësi. Nuk mund të ulen në tryezë. Kjo është tallje me vetëveten. Karta morale, opozita e ka të pamundur nga kjo pikëpamje që të bindë shqiptarët edhe moralisht. Le të imponohen me emra. Të paktën të bindin publikun.” , u shpreh Vangjeli.
