Këngëtari i njohur Sidrit Bejleri së fundmi ka vendosur të flasë për humbjen e vajzës së tij Sofisë.
Sidriti mes dhimbjes ka treguar se sprova ka qenë e fortë. Megjithatë, bashkë me gruan e tij, Meri, dhe tre fëmijët e tyre ata vazhdojnë ta kujtojnë Sofinë, duke shpresuar se një ditë do t’u bashkohen atyre në parajsë.
Fëmijët e Sidritit, Amad, 14, Emel, 11, dhe Ejna, 5, janë rritur me idenë se kanë pasur një motër më të madhe, dhe shpesh pyesin se si do të ishte ajo sot.
“Shumë gjera i kemi folur me fëmijët, ata e dinë që kanë pasur një motër me të madhe dhe shpesh herë hedhin ato paralelet, ajo sot do të ishte 17-vjeçe, si do sillej me ne. Ne duam t’i rritim me idenë që kanë pasur edhe një motër më të madhe.
Sepse duhet kuptuar që jeta është e çuditshme, jeta të vë para sprovave që ti nuk i mendon kurrë.
Ti mendon se do të jesh gjithmonë një vëzhgues i papërfshirë, por kur je brenda pastaj thua “pse më ndodhi mua?”. Ja që ndodh, por duhet të dish të reagosh”, rrëfeu ai mes emocionesh në një intervistë për “S’e luan Topi”.
