Emrin e ka të madh, bëmat gjithashtu. Tani e më pas ankthi mori fund. Kushdo që kishte frikën se në vendin tonë penetruan armiqtë e brendshëm dhe të jashtëm, në një vrimë të lënë nga ish-kryeagjentja e vendit Vlora Hyseni, duhet të jenë shumë më të qetë.
Presidentit të republikës i thanë që të thirrte mbledhjen e këshillit të sigurisë kombëtare dhe ai sigurisht që do e mblidhte.
Plot 13 burra dhe një grua, presidenti Begaj, kryeministri Rama, ministrat Nufi, Demo, Malaj, Karakaçi, Hoxha, Gogu, ministrja Ibrahimaj, kryeparlamentari Peleshi, kreu i komisionit të sigurisë Çuçi, gjeneral Kingji, kreu i komanduar i SHISH Lila dhe kryepolici Hita për një orë e gjysmë diskutuan situatën dhe thonë se nuk lanë asnjë pikë pa vendosur mbi i…
Shumë minuta thonë se mori diskutimi plot vlerë sesi armiqtë e brendshëm dhe të jashtëm shfrytëzuan “dobësinë” e ish-kryeagjentes, drejtoreshës së SHISH Vlora Hyseni, për të futur në valle “agjent Gysin”, i cili punoi shumë për të shkuar shtrat më shtrat e institucion më institucion, të drejtuar nga burra e gra të ‘ndershme’.
Me “dosje sekrete” në duar mësohet se ministri Nufi ka folur për radarët, e sidomos për raketat (armë që thonë se e njeh mirë). Mendohet që të jetë konsultuar më parë me Roni Yeffet, ndërsa automjeti që ka mbërritur në takimin e sigurisë kombëtare thonë se ka kaluar për modifikime speciale nga uzina sekrete “Timak defence”. Atë automjet të Nufit radarët jo e jo, që se kapin, por as reketat nuk e zenë.
Vendodhjen e uzinës që e prodhon e kanë caktuar në Shkozë, por ka të dhëna se është një kamuflim, pasi uzina mjaft sekrete dyshohet të jetë në një tunel të nëndheshëm diku tjetër, që pak njerëz e dinë. Megjithatë, ende ka dyshime se në këto tunele ka hyrë dhe dalë agjenti “E.A”.
Në fund të mbledhjes edhe kreu që i thirri (pasi e thirrën që ta thërriste), la të kuptohet se makina që ai lëviz nuk i ofron efelementët e duhura të sigurisë, ndaj ministri që na mbron tha se do e shohë mundësinë që të porosisë për të gjthë të pranishmit aty automjete speciale.
“E di rrezikun që na prek të gjithëve, por ju siguroj se do flas me kryellamarinistin e uzinës që automjeteve që ju lëvizni tu vendosë një zgarë që të ngjajnë si automjete të punëtorëve të “dur-aluminit” dhe jo për lëvizjen e personaliteteve si ju”- mendohet se tha ministri, pasi u mendua disi gjatë.
Këshilli i Sigurisë Kombëtare diskutoi diskutoi jo vetëm për sigurinë e vendit, por edhe të konflkikteve nëpër botë dhe si t’i shmangim ato nëpërmjet inteligjencës artificiale apo platformës “pasqyrë Albania”.
Diçka zbuloi kryeministri ynë në asamblenë e OKB-së ku salla ishte plot dhe doartrokitjet pas fjalimit të tij domethënës qenë aq të gjata sa jejona vijon ende. Megjithatë i mendueshëm ai nuk foli për IA-në, sepse u ndal në hallet tona. “Nuk do e harroj kurrë këtë numër, jemi 13 burra pas Vlora Hysenit.
Mendoj se kjo ngjarje na dha mësime të vlefshme për dhjetëjeçarin e ardhshëm”-mendohet se tha kreyeministri- duke i bërë shenjë presidentit që ta mbyllte takimin e vyer./boldnews.al
