Kryeministri hungarez Viktor Orban u shpreh ditën e sotme se Hungaria dënon sulmin e Rusisë ndaj Ukrianës, por ajo nuk mbështet sanksionet kundër Moskës që përfshijnë ndalimin e importeve ruse të energjisë.
“Ndërsa ne dënojmë ofensivën e armatosur të Rusisë dhe dënojmë gjithashtu luftën, ne nuk do të lejojmë që familjet hungareze të paguajnë çmimin e luftës; dhe kështu sanksionet nuk duhet të shtrihen në zonat e naftës dhe gazit”, tha Orban.
“Zgjerimi i sanksioneve ndaj sektorit energjetik rus do të përfaqësonte një ‘barrë në mënyrë disproporcionale të madhe’ për Hungarinë, shtoi ai.
Shumica e importeve të naftës dhe gazit natyror të Hungarisë vijnë nga Rusia dhe 90% e familjeve hungareze ngrohin shtëpitë e tyre me gaz, ndaj kjo është arsyeja që Orban nuk pranon sanksionet ndaj Rusisë.
