“Nuk ka veting e luftë ndaj krimit të organizuar pa larguar Edi Ramën dhe pa e çliruar Shqipërinë nga krimi i organizuar”. Kështu ka deklaruar kreu demokrat Lulzim Basha në seancën e sotme parlamentare ku diskutohet projektligji për policinë dhe gardën. Basha propozon veting të thelluar i ministrit të brendshëm dhe gjithë zëvendësministrave e drejtorëve. Basha: Kryeprokurori Italian ka thënë që mafia ka pushtuar policinë, ka lidhje me politikën dhe ka pushtuar policinë. Nuk ka shqiptar që të besojë atë që thuhet sot nga kjo sale. Është e treta herë në 5 vite që Rama flet për vetingun në polici, të gjitha normat janë po nuk zbatohjen si nuk zbatohet strategjia për luftën kundër drogës. I kanë pasur të gjitha strategjitë e ligjet, nuk ka vend në Ballkan që të ketë më shumë ligje se Shqipëria, por nuk ka vend të kapur nga krimi e droga në eksportin kryesor se Shqipëria, policia e tëra u kthye në funksion të drogës e krimit. Kemi arritur deri këtu për shkak të ish-ministrit të brendshëm Sajmir Tahiri si bashkëpunëtor i krimit të organizuar. Vëllai i ministrit të brendshëm i dënuar për trafik heroine dhe i shpëton dënimit falë modifikimit të kodit. Kjo është dilemma që duhet të zgjidhim sot, doni veting përfshini amendamentin tonë veting i thelluar i ministrit të brendshëm dhe gjithë zëvendësministrave e drejtorëve. Ky ka qenë një projekt personal i Edi Ramës krijoi polici personale. Largoi 414 punonjës duke i zëvendësuar me persona që i kishte hequr qeveria pararendëse socialiste. Aksioni ne Lazarat kishte qëllim vendosjen e burimit të drogës nën kontroll u mbyll lazarati u bë Shqipëria Lazarat. Me urdhër të Edi Ramës ishte mbrojtja e kriminelëve, u futën në parlament biznesmenë ose kriminelë. E përdori policinë për të ushtruar trysni, për të krijuar klimë terrori duke shkelur çdo të drejtë e liri elementare.

E mbrojti me pathos Sajmir Tahirin deri sa presioni ndërkombëtar u bë i pakthyeshëm.

Nuk ka veting e luftë ndaj krimit të organizuar pa larguar Edi Ramën dhe pa e çliruar Shqipërinë nga krimi i organizuar.

Ish-Kryeministri Sali Berisha gjatë fjalës së tij para deputetëve ne foltoren e Kuvendit,  sot ka folur për projektligjin e Vettingut në Polici, të cilin e ka konsideruar si hipokrizinë më të madhe që i është paraqitur parlamentit. “Ne mbështesim përpjekjet për transparencë në çdo institucion e qelizë të shoqërisë sonë, por këtu sillet një ligj që përbën hipokrizinë më të madhe të ardhur ndonjëhërë në këtë parlament.”- u shpreh Berisha. Gjithashtu ai tha se “Vettingu sot është jetik për organet e këtij shteti, se është transparenca, por ai është iluzion. Ku të lënë 12 milionë euro kanabis mbysin çdo lloj Vettingu. Të kërkosh Vetting mbi rojet e Edi Ramës kur e tërë vila e tij është korrupsion…Të kërkoj Veting për policët tek pallati i së shoqes…” Por ndërkohë që Berisha po fliste, nënkryetarja e Kuvendit i hoqi mikrofonin me aryetimin se i mbaroi koha. Nga foltoja Berisha iu drejtua pa mikrofon deputetëve para se të largohej: “Po Edi Rama rri gjithë ditën me kriminelë, e kanë bërë zyrën e tij si zyrën e tyre.”

Kryetari i Partisë Demokratike, Lulzim Basha zhvilloi një takim me Komisionerin për Zgjerimin, Johannes Hahn. Basha i shprehu Hahn mbështetjen e plotë  të opozitës për hapjen e negociatave të anëtarësimit me Bashkimin Europian. Në njoftimin e shpërndarë nga zyra e shtypit të PD thuhet se “kreu i opozitës e nxiti Komisionerin për të ndikuar për një rekomandim pozitiv nga Komisioni”. “Pavarësisht problemeve të keqqeverisjes në vend, shqiptarët aspirojnë për të qenë pjesë e Bashkimit Europian dhe kanë perqafuar vlerat e Bashkimit Europian”- u shpreh Lulzim Basha. Kryetari i Partisë Demokratike theksoi se opozita beson se hapja e negociatave do të ofrojë një mekanizëm të fortë dhe të pavarur për monitorimin e nivelit të demokracisë, respektimit të të drejtave të njeriut dhe të cilësisë së qeverisjes në Shqipëri. Basha siguroi Komisionerin Hahn për  vazhdimin e angazhimit pa kompromis të opozitës për luftën kundër krimit dhe korrupsionit, të zbatimit në mënyrë kushtetuese dhe të paanshme të reformës në drejtësi, si dhe plotësimin e kritereve të tjera për hapjen e negociatave të anëtarësimit. Në takimin me komisionerin Hahn, Kryetari i Partisë Demokratike theksoi se opozita është e vetëdijshme se vendet anëtare të Bashkimit Europian kërkojnë prova dhe rezultate konkrete dhe se Partia Demokratike do të luajë rol te rëndësishëm për arritjen e tyre.

Prokurorja e Përgjithshme Arta Marku priti në takim Prokurorin Kombëtar të Antimafias në Itali, Federico Cafiero De Raho. Në njoftimin e Prokurorisë thuhet se “Kryeprokurorja theksoi se një numër çështjesh kanë karakterin hetimor në të dy vendet, në Itali dhe në Shqipëri, pavarësisht se jo me grupe të përbashkët. Sikurse vërejti kryeprokurorja Marku, ka rëndësi përgjigja e shpejtë nga Italia për një numër letër-porosish të dërguara për hetime të ndryshme dhe për t’i hapur rrugën ecurisë dhe përfundimit të tyre në Shqipëri”. “Ne e dimë që na pret një punë e madhe. Ka studime për grupet e krimit të organizuar në Shqipëri dhe punohet në vazhdimësi për të kuptuar formën, strukturimin, nivelin dhe shkallën e organizimit”-shtoi zonja Marku. Marku theksoi ndërkaq gatishmërinë dhe angazhimin e prokurorisë për të bashkëpunuar plotësisht me palën italiane veçanërisht në hetimet e çështjeve me ndjeshmëri të lartë në Shqipëri.