Një 28-vjeçar është arrestuar nga policia e Tiranës, pasi ishte në kërkim për vjedhje të kryer në bashkëpunim.

I ndaluari është Mateo Gjipali, i cili ka qenë i dënuar edhe më parë për vjedhje.

Gjykata e Tiranës e ishte dënuar me 1.6 vite burg, pasi në Ndroq ka vjedhur banesën e O.K. duke marrë sende të ndryshme elektroshtëpiake dhe vegla pune.

Një sasi e madhe heroine është sekuestruar në Portin e Durrësit.

Droga është kapur në përpjekje për t’u dërguar drejt Italisë. Heroina u gjet nën krevatin e shoferit në një vend të fshehtë, pas kontrollit me anë të qenit antidrogë dhe fibroskop.

Sasia prej rreth 10 kilogramësh heroinë u kap në një kamion me targa AA 943 OO që kishte si destinacion Ankonën e më pas Firencen.

Sasia e lëndës narkotike ishte fshehur në kabinën e kamionit.

Policia ka arrestuar në flagrancë shoferin e mjetit, 63-vjeçarin Bujar Shazivari, banues në Durrës dhe po heton për të gjetur bashjëpunëtorët e mundshëm.

Nga kontrolli i imtësishëm u gjetën 10 pako të mëdha dhe një pako e vogël ku brenda tyre kishte lëndë narkotike të dyshuar Heroinë, ku është sekuestruar në cilësinë e provës materiale ku do kryhet dhe peshimi i plotë i saj.

Kamioni me ngarkesë 15 koli me qese plasmasi me destinacion Firenzze-Itali.

Grupi hetimor  po vijon punën për zbardhjen e plotë të kësaj ngjarje, identifikimin dhe kapjen e personave të tjerë të përfshirë në këtë trafik.

Njëkohësisht është shkëmbyer informacion në kohë reale me homologët Italianë për të zhvilluar hetime të përbashkëta në lidhje me këtë rast.

Ish-kryeministri Berisha ka publikuar denoncimin e një qytetari nga Vlora, i cili tregon sesi funksionin trafiku  i qenieve njerëzore në portin e këtij qyteti.

Në denoncimin e tij, i riu, i cili kërkonte të shkonte në Itali, tregon se i janë kërkuar 1500 euro nga zyrtarët e lartë të policisë së portit.

Statusi i Berishës

Ja se si çunat e krimit ne Vlore bejne trafikun e qenieve njerezore per 1500 euro gjobe!

Lexoni mesazhin e qytetarit dixhital. sb

‘Pershendetje , doktor , desha te shpreh juve nje dicka , un Kam nje deportim nga zvicra , dhe jam dhe vet I ndergjegjshem qe Kam thyer ditet, e qendrimit ne Europ , gjith sesi thash ta provoja njer , te prisja nje bilet dhe te ikja nga porti I qytetit Tim , vlora , vete te polici per te vulosur , me tha po skalon dot ti me tha , I thash t them te drejten e Di , por mendova ta provoj megjithate I thash ska problem , Dal me tha Ku vete , do kthehem I thash , Dal tha kemi dhe nje mundesi per ty , po I thash , te kuptova , SA doni tju Jap , 100 euro , haha qeshi CA thua or djal tha , pse pazar kaposhash po bejm ketu tha , po SA do o vlla I thash , me tha futu Pak te ajo zyra atie se do vi shefi madh tha te sqaroj , u futa atie , erdhi nje eprori tij dukej , me tha djal ne smund te rezikojm punen per 100 euro se kemi dhe shkb neper kemb , I thash po un sju thash gje ju vet po thoni , bej 1500 euro tha ajd ketu , te mar per dore te fus traget tha , dhe andej tha te nxjer nje miku I’m me kamion tha , doktor sdua te zgjatem shum po ju them qe porti vlores eshte ber baz parash per kokat e policis ketu , me respekt djali nga vlora , anonim’

‘Statistikat e dhunës në familje alarmante’, shkruan deputetja e PD-së, Vokshi.

Ajo denoncon institucionet qeveritare, të cilat nuk kanë marrë asnjë masë dhe angazhim për zbatimin e rezolutës ‘Kundër Dhunës në Familje’, të miratuar në parlament më 4 dhjetor 2017.

Sipas statistikave, vetëm në 16 muajt e fundit ka pasur 6307 çështje gjyqësore për dhunën në familje. Vokshi i bën thirrje Ministrive të Drejtësisë, asaj të Brendshme dhe të Arsimit që të angazhohen më shumë lidhur me këtë situatë alarmante që po gërryen shoqërinë shqiptare.

Vitin e shkuar janë vrarë 10 gra dhe janë regjistruar 300 raste dhune më shumë se 2016-ta, ndërsa edhe viti 2018 ka nisur me raste tronditëse të dhunës në familje, shkruan Vokshi në një status në Facebook.

‘Nga këto të dhëna konstatohet lehtësisht se volumi i çështjeve është rritur ndjeshëm në 6307 çështje për 16 muaj në raport me të dhënat e konstatuara nga Inspektimi: 2689 vendime gjyqësore mbi dhunën në familje të dhëna për 18 muaj, në periudhën e inspektuar (2011-2012)”-ngre alarmin KLD. Kërkova nga Ministria e Drejtësisë dhe Ministria e Brendshme, që në detyrim të rezolutës të mos neglizhojë dërgimin e analizës së plotë të të gjitha problematikave të evidentuara në rastet e dhunës në famlje, proceset gjyqësore dhe në ndihmën ligjore që ju ofrohet falas viktimave të dhunës. Rezoluta për Parandalimin dhe mbrojtjen e viktimave të dhunës në familje është një thirrje në detyrë e qeverisë. Shqipëria ka ligj kundër dhunës në familje dhe parandalimin e saj, por sot nuk ka ende të përcaktuara qartë funksionet në Ministrinë që duhet të koordinojë të gjithë mekanizimin e referimit të rasteve të dhunës. Me shpërbërjen e ministrisë është rrëzuar i gjithë mekanizmi institucional mbrojtës! Miliona euro dhe shumë vite eskpertizë të shkuara dëm. Fatkeqësisht në këtë kaos të qëllimshëm institucional, viktimat e dhunës janë të pambrojtura, kushdo qoftë statusi i tyre. Dhe dhunuesit janë riaktivizuar, sepse kanë modelet frymëzuese në Parlament dhe në Qeveri.’ – thekson Vokshi në statusin e saj.

Gjykata la lënë në burg 4 ish-zyrtarët e arrestuar për abuzimet me pronat në zonën e Gjirit të Lalzit.

Në burg kanë mbetur ish-kreu i komunës Ishëm, Sulejman Ibrahimi dhe ish-përgjegjësi i zyrës së Bujqësisë, Enver Shima.

Po kështu, e njëjta masë sigurie është dhënë për sekretaren e Arkivës, Ornela Shëmlikaj dhe për për ish-punonjësen e Urbanistikës, Shpresa Merdita.

Katër ish-zyrtarët u ndaluan pas një hetimi të prokurorisë për abuzimet me ndarjen e tokave dhe të disa kontratave qiraje për dhënie të hapësirës publike plazheve.

Sëmundjet tumorale po fitojnë gjithmonë e më shumë terren në popullsinë shqiptare. Mjekët pohojnë se rastet e reja po vijnë në rritje progresive çdo vit.

Orges Spahiu: “Kemi mbi 7 mijë raste të reja, kemi rritje mesatare rreth 12% çdo vit dhe në 5 vjet rritja është 60%”. Alarmi më i madh vjen nga Organizata Botërore e Shëndetësisë e cila paralajmëron epidemi globale.

“Pritet që në dy dekadat e fundit, numri i të diagnostikuarve me kancer të rritet rreth 70%”.

Sa i takon Shqipërisë, shpesh rastet përfundojnë në fatalitet për shkak të kapjes së sëmundjes në faza të avancura.

“Rreth 70%-80% e tyre vijnë në stadet e treta dhe të katërta të sëmundjes. Kjo bën që shansi i tyre të jetë i pakët në kurim”.

Parandalimi dhe kapja në kohë e sëmundjes mbetet vendimtare në shërim dhe zgjatjen e jetës.

“Është instaluar inceneratori i dytë linear, i cili rrit cilësinë në trajtimin e pacientëve me kancer si dhe rrit probabilitetin dhe mbijetesën e tyre”.

Ekspertët e shëndetësisë botërore janë të mendimit se 1/3 e sëmundjeve tumorale mund të parandalohen duke adaptuar sjellje të shëndetshme.