Dy shqiptarë janë arrestuar nga policia italiane, pasi u zbulua një grup i trafikut të kokainës, hashashit dhe marijuanës.
Mediat italiane shkruajnë se në kuadër të operacionit të koduar “Rewind 2015” u arrestua shtetasi shqiptar me inicialet R.M., 25 vjeç, banues në San Martino dhe bashkëkombësi i tij, 44-vjeçari me inicialet U.A, rezident në Foggia.
Sipas mediave italiane, të dy shqiptarët akuzohen për shtrirje të gjerë të trafikut të drogës, nga Basso Molise dhe degëve në Puglia. Sakaq, policia italiane ka dyshime se shqiptarët nuk janë të vetëm në trafik, ndërsa po hetojnë në lidhje me të tjerë persona të përfshirë.

Sajmir Tahiri, Ministri i Punëve të Brendshme ka zhvilluar një konferencë me përfaqësues të Shoqëritë Private të Sigurisë Fizike (SHPSF). Të pranishëm në konferencë ishin drejtori i Policsë së Shtetit Haki Cako dhe zyrtarë të tjerë të policisë. Tahiri u shpreh se nuk do të ketë më pagesa me rrogë nën 330 mijë lekë për çdo polic privat, ndërsa tha se në disa kompani ka punonjës nën 60 vjeç që paguhen me lëmoshë. Gjithashtu ministri tha se kompanitë privatë duhet të respektojnë ligjin për pagën minimale.
“Zbatoni detyrimet ligjore dhe kontraktuale me kompanitë. Brenda një muaji secili të përmbushë detyrimin ligjor duke paguar me minimumin që përcakton ligji për çdo punonjës. Kështu iu themi shqiptarëve se ofrojmë një standard më të lartë sigurie, pra që 9000 punonjësit e policisë private paguhen minimalisht nga 330 mijë lekë në muaj. Realiteti juaj në letra është siç e kërkon ligji, e vërteta është se ka punonjës që paguhen as sa gjysma e asaj që përcakton ligji. Kjo nuk mund të vazhdojë më. Kemi të gjtiha mundësitë që të ofrojmë më shumë siguri, standarde cilësore, në raport me punën që bëni për qytetarët, bizneset dhe sigurinë e përgjithshme”, u shpreh Tahiri.

Eduard Halimi, deputeti i Partisë Demokratike, gjatë një deklarate për mediat, , tha se kryebashkiaku në detyrë i Kavajës, Elvis Roshi organizon koncert për fëmijë, ndërkohë që është i dënuar për përdhunimin e fëmijëve dhe trafik droge. Sipas Halimit, Edi Rama duhet ta largonte Roshin një herë e mirë nga bashkia, nga partia, nga politika dhe t’i gjente vendin, por ai vijon të jetë përsëri në krye të bashkisë. Deputeti i PD u shpreh se e vetmja zgjidhje për të dalë nga kjo situatë janë protestat, në mënyrë që krimi të ndahet një herë e mirë nga politika.

Shihni pak këtu, i dënuari për trafik ndërkombëtar droge. I dënuari për përdhunim në grup, Elis allias Edvin Rroshi shpërndan afishe dhe sot në Kavajë, se ai i dënuari për përdhunim të të miturve, do të kujdeset personalisht për të organizuar Festivalin e Këngës për Fëmijë. Shiheni pra ku kemi arritur, ai person i cili nga Prokuroria u kërkua t’i hiqej mandate, KQZ kërkoi t’i hiqte mandatin, ta shkarkonte, Edi Rama duhet ta largonte një herë e mirë nga bashkia, nga partia, nga politika dhe t’i gjente vendin, por ky person është përsëri në krye të bashkisë, ai person kujdeset personalisht për të organizuar festivalin fëmijëve. Ja ku kemi arritur. Këtu nuk ka ligj, këtu nuk ka Kushtetutë, këtu nuk ka legjislacion të zbatueshëm sepse nuk do një njeri, nuk do Edi Rama. Ndaj e vetmja zgjidhje për të gjithë qytetarët është të dalim në shesh. E vetmja zgjidhje janë protestat, në mënyrë që krimi të ndahet një herë e mirë nga politika, në mënyrë që njerëz si ky këtu Elvis Ervin Rroshi i dënuar për përdhunim, i dënuar për trafik ndërkombëtar droge, të mos ketë më të bëjë me qytetarët dhe me postet publike. E vetmja zgjidhje sot është të dalim të gjithë bashkë më 18 shkurt në protestë”- tha Halimi.

Ditmir Bushati i ka bërë replikë presidentit të vendit Bujar Nishani në lidhje me votën në BE të diskutuar një ditë më parë.

Pas një konflikti të nisur që ditën e djeshme në lidhje me votën e Shqipërisë në OKB për armët bërthamore, Bushati reagon sot.

Ditën e djeshme presidenti Nishani e quajti gënjeshtar ministrin e Jashtën, pasi sipas tij nuk është njoftuar për votën në OKB, siç deklaroi Bushati.

Sot Bushati nëpërmjet n jë njoftimi zyrtar ka reaguar ndaj akuzave të Nishanit dhe sipas tij kjo është shumë e lehte e verifikueshme.

“Shkresa që ka Presidenti është një fakt lehtësisht i verifikueshëm. Kemi vepruar në përputhje me ligjin dhe sqarimi ka qenë shterues. Presidenti ka kërkuar informacion shkresor për këtë çështje dhe ministria e Jashtme i është përgjigjur në formë shkresore. Kjo ka ndodhur përpara deklaratës time ditën e djeshme në Komisionin Parlamentar”- tha Bushati.