Aktori Mehdi Malkaj ka mbajtur një fjalim me tone të forta gjatë protestës së 85-të kundër qeverisë dhe kryeministrit Edi Rama.
Malkaj ironizoi mënyrën se si, sipas tij, protestuesit po numërohen çdo ditë, duke deklaruar se frika e qeverisë është rritur përballë vijimit të protestave.
“Këta idiotët kanë kaq frikë sa na numërojnë ditë për ditë se sa jemi. Jo vetëm të dorëhiqet, por të heqim edhe dorëvënien”, u shpreh aktori. Ai tha se do të vijojë të jetë pranë protestuesve dhe u bëri thirrje qytetarëve që kanë mundësi t’u bashkohen tubimeve.
“Jam gjithmonë me ju. Kushdo, kush ka kohë për të ardhur duhet të vijë. Sa gjej hapësirë, vij me vrap te ju”, tha Malkaj. Në fund të fjalës së tij, aktori përdori edhe një shprehje ironike për të parashikuar largimin e qeverisë: “O nëne, nëne, si do ikin këta… Do ikin me brekë nëpër këmbë.”
