Ka përfunduar mbledhja e Grupit Parlamentar të Partisë Demokratike, ku pjesa më e madhe e deputetëve i kanë kërkuar dorëhqejen Lulzim Bashës. Kryedemokrati tashmë nuk ka në krahun e tij as Sekretarin e Përgjithshëm Gazment Bardhi dhe nënkryetarët Jorida Tabaku dhe Enkelejd Alibeaj, të cilët i kanë kërkuar të bëjë një hap pas për të zgjidhur krizën në PD.
Burime për mediat bëjnë me dije se deputetët e Grupit Parlamentar kanë rënë dakord për 3 pika, ku kërkoket largimi i Bashës dhe Berishës për të shpëtuar Partinë Demokratike.
Pika e parë: Lulzim Basha dhe Sali Berisha bëjnë një tërheqje dhe lejojnë zhvillimet e mëvonëshme në PD që do të mundësonte ribashkimin e partisë;
Pika e dytë: Drejtimin e partisë e merr një grup deputetësh i përbërë nga mbështetës të Lulzim Bashës dhe Sali Berishës, të cilët do të çojnë partinë drejt zgjedhjeve të reja për kryetar;
Pika tretë: Do të punohet për ribashkimin e partisë pas problemeve që kanë patur gjatë muajve të fundit.
