Studentët dhe Pedagogët janë mbledhur tashmë në protestën e 10-të studentore para Kuvendit ndërsa një prej pedagogëve pjesëmarrës ka mbajtur një fjalim të fortë drejtuar efektivëve të policisë, duke u bërë thirrje të reflektojnë dhe të mos qëndrojnë përballë studentëve që kërkojnë ndryshim.
Ai kritikoi situatën politike në vend dhe akuzoi pushtetin për vjedhje, ndërsa theksoi se protesta nuk bëhet për interesa personale, por për të ardhmen e të gjithë qytetarëve.
Pedagogu ngriti gjithashtu shqetësimin për pabarazinë ekonomike, duke iu referuar pasurisë së personave të lidhur me pushtetin dhe vështirësive ekonomike me të cilat, sipas tij, përballen qytetarët.
“Ai nuk e mban më, ai ka ikur. Por ju do t’ju vijë turpi , në anën e turpit të historisë. Nuk ju bëjmë gjë ne, as me të nuk merremi, por ka ardhur koha të ndryshojmë jetët tona. Të gjithë bashkë, ne po luftojmë dhe për ju. Unë nuk kam asnjë hall, fëmijët e mi janë në punët e tyre. Por nuk shkon më kështu, po na vjedhin o miq. Boll më. Ka miliona ajo Bela, ju dhe të tjerë nuk keni bukë në shtëpi. Çfarë bëni, ku e gjeni këtë urrejtje o miq? Kam 40 vite…gjysmën tuaj e kam bërë me diplomë”, u shpreh një prej pedagogëve drejtuar efektivëve të policisë.
