Teksa hyjmë në muajt e dimrit, shumë prej nesh ka gjasa që të nisin me virozat e stinës, e simptoma më e zakonshme është dhimbja e fytit.
Në shumicën e rasteve, dhimbjet e fytit shkaktohen nga viruse që njihen si ftohja e zakonshme. Por në disa raste ajo mund të jetë shenjë e diçkaje më të keqe, veçanërisht nëse shoqërohet me një nga simptomat e mëposhtme:
1. Nëse ka skuqje
Nëse keni një skuqje të fytit shoqëruar dhe me dhimbje, kjo mund të jetë një shenjë e një infeksioni më serioz, tha Dr Gabriela Pichardo nga Resilient Health Austin, SHBA. Sipas saj, një skuqje në fyt dhe gjoks që përhapet në pjesën tjetër të trupit tuaj mund të jetë një shenjë e një grupi infeksionesh bakteriale të quajtur infeksion streptokoksik.
“Më e vogla prej tyre është streptokoku ( tonsiliti bakterial ), por ato përfshijnë edhe ato më serioze, si skarlatina , bakteremia (bakteret në gjak) dhe sindroma e shokut toksik. Të gjitha duhet të trajtohen nga një mjek, zakonisht merren antibiotikë sa më shpejt të jetë e mundur,” tha ekspertja.
Vlen të kihet parasysh se infeksionet virale, si dhe bajamet, nuk do të shërohen me antibiotikë.
2. Nëse dhemb shumë
Kur një ftohje shkakton dhimbje të fytit, mund të jetë shumë e dhimbshme, por zakonisht largohet vetë brenda disa ditësh.
Sidoqoftë, infeksionet bakteriale, priren të shkaktojnë dhimbje më të forta që nuk përmirësohen.
Sipas NHS, tonsiliti bakterial mund të shkaktojë probleme me gëlltitjen dhe të ngrënit, dhimbje veshi dhe gjëndra të fryra dhe të dhimbshme në qafë.
Nëse keni ndonjë nga këto simptoma, duhet të vizitoni mjekun e familjes për të parë nëse infeksioni është bakterial dhe jo viral.
Tonsiliti bakterial mund të trajtohet me antibiotikë.
3. Nëse keni temperaturë
Ftohja mund të shkaktojë ethe, por zakonisht kalon lehtë. Sidoqoftë, nëse keni dhimbje të fytit dhe temperaturë mbi 38 C, ka më shumë gjasa të jetë një infeksion i fytit si bajamet sesa një ftohje e thjeshtë tha mjekja.
4. Nëse zgjat
“Nëse zgjat më shumë se një javë ose përkeqësohet, konsultohuni me mjekun tuaj shpjegoi gjithashtu Dr Gabriela.
Dhimbja e fytit që nuk largohet mund të jetë gjithashtu një shenjë e etheve të gjëndrave, shpjegon uebfaqja e NHS.
Ethet e gjëndrave prekin më së shumti adoleshentët dhe të rinjtë. Përmirësohet pa trajtim, por mund t’ju bëjë të ndiheni shumë të sëmurë dhe të zgjasë me javë.
