Ish-kandidati i PD-së, Aulon Kalaja, ka denoncuar për një “mal plehrash” pranë fshatit Halil në Krujë.
Me anë të një video-raportimi, ai tregon pamjet e plehrave të hedhura pranë fshatit, duke u shprehur se këto pamje nuk i përmbushin kriteret për t’u futur në BE.
“Ndodhem në malin me plehra, në Fushë-Krujë, në fshatin Halil ose ndryshe Albanopolis, nga ku kemi marrë dhe emrin Albania.
Ky mal, i cili është ngritur në mënyrë artificiale dhe përbëhet jo nga gurë e shkëmbinj, por nga plehra, është sot simboli i korrupsionit dhe ulja e moshës së kancerit në 15 vjeç. Këtë nuk e them unë, por OBSH.
Në anën e majtë timen, krah plehrave, ndodhet një liqen ui mrekullueshëm, që mund të ishte rikthyer në një atraksion turistik. Por jo, ky vend është kthyer në mal me plehra për të kuptuar mënyrën babëzinë.
Nuk është një landfield, është një vend grumbullimi që nuk dihet se në ç’mënyrë të paligjshme dhe gllabëruese ja ka bërë këtij vendi, që nuk i ka asnjë borxh për të ulur cilësinë e jetës. Fshati Halil dhe shtëpitë e tjera rreth e qark kanë kohë që nuk hapin dritaret. Bashkia e Krujës ka përgjegjësinë kryesore për këtë katastrofë mjedisore.
Ky mal me plehra, i cili shtypet e shtypet nga ekskavatorët ndot ujin e liqenit dhe të mbjellat që ka kjo zonë.
Në këtë lloj forme jo vetëm që nuk hyjmë në Bashkimin Europian dhe plotësojmë standardet, por nuk hyjmë dot as në Bashkimin Afrikan”, tha ndër të tjera Kalaja.
