Dy shtetas shqiptarë janë arrestuar në Greqi pasi u kapën me 41,5 kg kanabis të fshehur në automjetin e tyre. Makina e tyre u ndalua për kontroll në afërsi të Kozanit. Droga e sekuestruar nga policia ishte e ambalazhuar në 36 paketa dhe ndodhej në portbagazhin e makinës. Dy të arrestuarit, 53 dhe 38 vjeç, do të dalin para prokurorit të Kosturit, ndërkohë që po vazhdojnë hetimet për të zbardhur destinacionin dhe marrësit në dorëzim.

“Çështja e të drejtës së pronës është e drejtë thelemore e të drejtave të njeriut dhe si e tillë për Bashkimin Europian nuk negociohet. Kjo është arsyeja që në vlerësimet tona për Shqipërinë kjo është reflektuar shumë mirë.” Kjo është deklarata e ambasadores së delegacionit të Bashkimit Europian në eventin publik mbi të drejtën e pronësisë dhe problemet e kësaj çështjeje në Shqipëri organizuar nga Bashkimi Europian. Që në fillim të fjalës së saj Romana Vlahutin nënvizoi: “Ju do të vini re se unë nuk përdor, dhe nuk do të përdor, termin ish-pronarë, sepse nuk ekziston diçka e tillë. Ju jeni ish-pronarë pasi ju të shisni apo të merrni kompensim për pronën tuaj. Deri në momentin kur asnjëra prej tyre nuk ndodh ju jeni pronarë.” Diplomatja e Bashkimit Europian shprehu shqetësim lidhur me situatën aktuale: “E kuptoj se ka njerëz që kanë legalizuar plazhe ranore, gurë si tokë bujqësore, madje arritën të legalizonin detin si tokë bujqësore dhe kjo është absurde.”Ju kujtoj se në raportin e fundit të KE-së për Shqipërinë, për kapitullin e 23, që ka të bëjë me kapitullin e drejtësisë, dhe të drejtave themelore , Shqipëria duhet ti kushtojë rëndësi me prioritet kthimin, kompensimin dhe regjistrimin e pronës.”
Çeshtja e pronës dhe kalimi i saj tek i zoti është një çështje mjaft komplekse e cila u bë dhe më komplekse me ligje si ai i 7501 dhe ai i legalizimit i cili më shumë i dha të drejta zabtuesit dhe abuzuesit të pronave se vetë pronarëve të vërtetë.
Romana Vlahutin: “Në Shqipëri çdo njeri më ka thënë se ky është një problem më kompleks se kudo tjetër . Mund të jetë e tillë duke nisur me marrjen e pronës private gjatë komunizmit, ndjekur më pas nga një periudhë shumë e gjatë tranzicioni dhe shumë abuzimeve gjatë dekadave. Duke përfshirë këtu, fatkeqësisht, dhe abuzimet për qëllime politike e elektorale. Gjithashtu kur njerëzit me fjalë u ftuan të zaptojnë tokat. Mjafton të përmendin disa nga ligjet që krijuan këtë kaos, ndoshta ishin propozime të mira në fillim por abuzimet provuan të kundërtën. Përmend ligjin e famshëm 7501, ligjin e legalizimeve nga 2006 dhe ka shumë të tjerë që fatkeqësisht që i japin më shumë të drejtë atyre që abuzuan sesa atyre që u abuzuan. Shto dhe korrupsionin në gjykata, në institucione të ndryshme dhe në mënyrë të vecantë në nivel lokal.”
Romana Vlahutin: “Kemi marrë shumë letra ankesa nga qytetarë dhe mund të thems e 97% e tyre janë letra që kishin të bënim me çështjen e pronës. Nëse do i mblidhja në kuti, ato kuti do të mbushnin këtë dhomë. Sidoqoftë ka një zgjidhje për çdo problem. Shqipëria ka nisur një reformë gjithëpërfshirëse në drejtësi që do të sjellë stabilitet dhe besueshmëri sistemit të drejtësisë që do të shërbejë për të mbrojtur të drejtat themelore, përfshirë dhe të drejtën e pronës. Është urgjente që praktikat abuzive të së shkuarës duhen të ndalen. Dhe ndërtimet pa leje në bregdet nuk duhet të legalizohen më. Të vendosen gjoba ndaj atyre që kanë përfituar nga toka e të tjerëve.
Romana Vlahutin: “Ne të gjithë jemi shumë të ndërgjegjshëm që e drejta e pronës është shumë sfiduese, por dhe vende të tjera kanë probleme të tilla, dhe Shqipëria mund ta gjejë gjithashtu. Kjo është arsye pse vendosëm që Euralius të shikojë këtë problem nga ana legjislative si dhe të mbledhim eksperienca nga ekspertë të ndryshëm të Europës që kanë kaluar përmes këtij procesi. Zgjidhjet janë principet janë kryesore, ajo çfarë duhet është dialog dhe një marrëveshje me të gjithë grupet e interesit për të gjetur një të ardhme të qëndrueshme dhe të pranueshme.n Praktika europiane ka treguar se kompensimi 100% të pronarëve për pronat e marra nga regjimi komunist është i pamundur, dhe duhet një kompromis. Një tranzicion të tillë kaq të gjatë dhe të vështirë nuk do i jepet fund pa një dialog.

Seanca dëgjimore ndaj gjyqtares së Apelit të Vlorës, Brikena Ukperaj, la të kuptohej se edhe ajo do të dalë triumfatore nga vettingu. Por, ndërsa gjyqtarja kërkoi konfirmimin në detyrë, i moshuari Isuf Bodo dhe familja e tij ndoqën të zhgënjyer procesin ndaj saj, e protesta e tyre ishte kundër mënyrës sesi po zhvillohet vettingu. Emrat e tyre janë mes 11 qytetarëve që kanë denoncuar gjyqtaren Ukperaj, por këto ankesa nuk u morën në konsideratë nga KPK-ja për të vlerësuar profesionalizmin e gjyqtares. Ankesa e familjes Bodo lidhet me skandalin e tjetërsimit të 220 hektarëve tokë në Karaburun, një histori që dënoi me 30 vite burg të akuzuarit, ndërsa familja Bodo që ndjek procesin civil për pronën, ende po zvarritet gjykatave. “Çështja ‘Karaburuni’ është çështja më e ndjeshme që ka pasur ndonjëherë shteti shqiptar. Me prona të falsifikuara janë regjistruar persona publikë me pasuri që ua kanë marrë njerëzve që i zotërojnë prej vitesh ato me tituj”, tha Vjosa Bodo, avokate dhe përfaqësuese e familjes Bodo. Por cilat janë ankesat e familjes, që nuk u dëgjuan nga Komisioni i Pavarur i Kualifikimit? “Ligji është i ngushtë dhe është shterpë. Zonja Ukperaj nuk ka analizuar vendimin gjyqësor në kohën që ligji i përcakton. Ka pasur afat ligjor për të interpretuar dhe për të dhënë vendimin e arsyetuar brenda 20 ditësh. Këshilli i Lartë i Drejtësisë më ka dhënë të drejtë e më ka thënë ‘Po, ka bërë një shkelje, por shkelja që ti kërkon nuk është aq relevante sa figura e saj të mos konsiderohet’. Atëherë unë kam një pyetje. Unë jam një qytetare e thjeshtë e këtij shteti, jam taksapaguese e rregullt. Babai im është 75 vjeç sot, xhaxhai im po aq… Edhe sa vite duhet të presim ne të ndershmit e kësaj Republike që të marrim të drejtën brenda afateve. Kush është ky gjyqtar i Republikës që tejkalon afatet e vendosura me ligj, për cilat arsye dhe rrethana? Kjo ishte arsyeja përse ne i kërkuam KLD-së dhe Komisionit të vettingut të vlerësonte profesionalizmin e saj në detyrë”, tha më tej Vjosa Bodo. Isuf Bodo ka kaluar 28 vitet e fundit të jetës gjykatave. Zhgënjyes për të ishte edhe dënimi ndaj Pëllumb Petritit, i akuzuar si njëri nga falsifikatorët e tokave në Karaburun. “Vendimi që është dhënë nga Gjykata e Apelit Vlorë, për mendimin tim është i nxituar. Gjyqi i parë u bë në prill, në nëntor kaloi në Apel jashtë radhe, sepse ata që kanë nxitur këtë falsifikim janë deputetë, janë me emra, janë edhe ministra. Njëri prej tyre është ministër, njëri është deputet”, thotë Isuf Bodo, denoncues. I moshuari udhëtoi nga Vlora për të parë me sytë e tij nëse do të vendoste drejtësi KPK-ja apo jo. “Mendova se do të kishte drejtësi nga vettingu, nuk mora. Jam i bindur tani se nuk ka drejtësi dhe është një tallje me popullin”, tha Bodo. Gjyqtarja Brikena Ukperaj ishte e 16-a që kaloi në sitën e trefishtë të vettingut. Ndërkohë, pyetja që ngrihet është ndaj KPK-së: A po zhvillohen seancat e proceset brenda standardeve të vettingut? Kjo pyetje vjen në fakt pas reagimeve të shumta të qytetarëve, të cilët kanë denoncuar pranë organeve të vettingut, vendimarrje qoftë të prokurorëve, qoftë të gjyqtarëve.

“Marrëveshja e mundshme e azilit me BE-Shqipëri mund të ndihmojë për të mbajtur në pushtet kancelaren e Gjermanisë Angela Merkel”

Kështu e nis shkrimin “Deutsche Welle”, duke shkruar se Shqipëria mund të shërbejë si një vend pritës i përkohshëm për azilkërkuesit që i drejtohen Bashkimit Evropian.

Në të vërtetë, Presidenti i Këshillit Europian Donald Tusk dhe kancelari austriak Sebastian Kurz kohët e fundit sugjeruan vendosjen e qendrave të pritjes brenda Evropës, por jashtë territorit të BE.

Zëdhënësi i qeverisë austriake Peter Launsky-Tieffenthal i tha DW se bisedimet rreth qendrave të tilla janë në fakt në zhvillim e sipër me Shqipërinë dhe vendet e tjera. Por Endri Fuga, këshilltari i Edi Ramës që drejton edhe departamentin e komunikimit të qeverisë, mohoi të ketë negociata për një gjë të tillë.

Ndërkohë Deutsche Ëelle shkruan se opozita shqiptare aludon se qeveria do të hapë qendra të tilla me shpresën se kjo do ta përshpejtojë procesin e anëtarësimit të vendit në BE.

Sipas Deutsche Welle, Shqipëria gjendet në trajektoren ballkanike dhe ka dalje në Mesdhe. Porti i Durrësit ka kapacitet që të presë një numër të madh individësh që tentojnë të kalojnë detin dhe që mund të përcillen nga anijet e FRONTEX-it. Pasi të kenë mbërritur në Shqipëri, individët që nuk kualifikohen për azil mund të riatdhesohen, ndërsa ata që e fitojnë azilin, mund të shpërndahen drejt BE-së.

DW shkruan më tej se Shqipëria nuk është anëtare e bllokut, çka do të thotë se rregullat e Shengenit nuk aplikohen. Po ashtu Shqipëria nuk është as pjesë e Marrëveshjes së Dublinit që përcakton rregullat e azilit. Sidoqoftë, është anëtar i NATO-s dhe një qendër antiterror është ngritur.

Po a është gati Shqipëria? Shkruan më tutje DW.

Shqipëria ka përvojë të mjaftueshme në strehimin dhe kujdesin për refugjatët. Në vitin 1998-1999 në kohën e luftës në Kosova janë pritur më shumë se 1 milionë kosovarë. Dhe pas fluksit të refugjatëve në Evropë në vitin 2015, Shqipëria në mënyrë të konsiderueshme rriti kapacitetin e saj për të marrë emigrantët. Deri më tani, këto qendra pritëse mbeten kryesisht të papërdorura.

Neven Cërvenkovic, zëdhënësi i Agjencisë së OKB-së për Refugjatët (UNHCR) për Evropën Juglindore, konfirmoi se që nga viti 2017, Shqipëria ka dyfishuar kapacitetin e saj për të strehuar dhe përpunuar azilkërkuesit. Si një shpresë e BE-së, Shqipëria tashmë i plotëson standardet humanitare të bllokut. Në të vërtetë, shkruan DW, UNHCR raporton se Shqipëria i trajton mirë azilkërkuesit.

Por si mund ta ndihmojë Shqipëria kancelaren Merkel?

Në takimin e fundit me kancelarin austriak Kurz, ministri i Brendshëm gjerman, Horst Seehoffer tha se e mbështet idenë e qendrave të pritjes jashtë BE-së. Një marrëveshje e mundshme me Shqipërinë mund të ndihmonte në zbutjen e tensioneve mes kancelares dhe ministrit të saj.

Deutsche Welle se kjo do të plotësonte kërkesën e Seehofferit që aplikimet për azil të plotësoheshin jashtë BE-së. Kjo do të favorizonte partinë e tij në zgjedhjet e pritshme në Bavari, ndërsa koalicioni qeveritar do të rifitonte stabilitet.

Sipas DW, Shqipëria po ashtu do të fitonte nga kjo marrëveshje. Duke hapur qendrat e pritjes, ajo do të fitojë mbështetje edhe nga forcat më konservatore të bllokut që janë skeptike për fillimin e bisedimeve për hapjen e negociatave.