Kryeministri Edi Rama foli nga Durrësi për projekte të rëndësishme infrastrukturore që janë pjesë e Paketës së Rindërtimit. Duke u ndalur tek autostrada Tiranë-Durrës, Rama tha se studimi që po kryhet për rindërtimin dhe zgjerimin përfundon në korrik. Por edhe rruga e vjetër për në Durrës, ajo Tiranë-Ndroq-Plepa do të rindërtohet.

“Rrugët kombëtare do të jenë shumë më të mirëmbajtura më në vijimësi. Po Tiranë-Durrës nuk është një rrugë që meriton thjesht mirëmbajtje, po tani ka domosdoshmërinë e një rindërtimi dhe zgjerimi. Për këtë po bëjmë një studim që përfundon rreth mesit të korrikut ku duam të vlerësojmë rindërtimin dhe zgjerimin për të rritur shpejtësinë e kontaktit mes Durrësit dhe Tiranës dhe sigurinë e lëvizjes në aksin ekzistues me pagesë. Ndërkohë rindërtimin dhe pastaj shfrytëzimin pa pagesë të një tjetër aksi të rëndësishëm të degraduar për kaq shumë vite, Tiranë- Ndroq-Plepa që hap prespektivë për zhvillimin e mëtejshëm të agorturizmit ku ka shenja të para dhe peisazhe e potenciale të jashtëzakonshme për agroturizmin”, tha Rama duke përmendur dhe projekte të tjera të rëndësishme si Kashar-Thumanë, Kavajë-Rogozhinë etj.

Komisioni i Pavarur i Kualifikimit konfirmoi sot në detyrë kreun e Gjykatës Kushtetuese, Bashkim Dedja i cili ne kete menyre e kalon vettingun.

Dedja nuk ishte i pranishëm në seancën e sotme por u përfaqësua nga avokati i tij, Maksim Haxhia, i cili kishte paraqitur dy kërkesa, që nuk u morën parasysh.

Pavarësisht kësaj, trupa gjykuese e perbere nga Valbona Sanxhaktari, Roland Ilia dhe Xhensila Pine vendosi që ta konfirmojë Dedjen ne detyre.

“Trupa gjykuese vendosi me shumicë votash konfirmin në detyrë të subjektit të rivlerësimit Bashkim Dedja me funksion gjyqëtar, kryetar i Gjykatës Kushtetuese”.

Avokati Maks Haxhia, pas vendimit, nuk i kurseu kritikat ndaj relatores së Çështjes, Xhensila Pine, që kishte konkluduar se Dedja kishte paqartësi dhe para të pajustifikuara në deklaratat e pasurive.

Deklarata nga Maks Haxhia:
Nga verifikimet tona rezultoi se ka një fakt, që Mensur Dedja apartamentin që e ka blerë 40 mijë euro e ka vënë kolateral për nipin e vet në bankë që tregon se ka pasur financa për këtë. Ai që ka parë emrin e Mensurit është gezuar, e nuk ka avancuar në verifikim që ai ka marrë kredi apo si.

Ne kur bëmë kërkesën i bëmë prezent trupës se ishte e habitshme për atë fakt, pasi detajet na u vunë në dispozicion, dhe ai bën prapsime, kjo nuk ishte vënë, që do të thotë që në këtë pikë ka ceduar. Është një rast sporadik nuk mund të them që cenohet procedurat e komisionit, duket të shpërbeje që të hetohet.

Haxhia shtoi më tej se mungesa e një hetimi të thelluar ka cënuar figurën dhe personalitetin e gjyqtarit.

Deklarata nga Maks Haxhia: Ky rast nuk është shqyrtuar në dokumentacion dhe nuk ishte bërë prezent sipas procedurave. Ky rast duhet të shërbejë që të mos mjaftohet me një të dhënë e cila patjetër duhet të hetohet dhe shkohet deri në fund.

Një kolateral, duhet të shikosh në favor të cilës bankë është vënë, në favor të kujt kredie dhe të kujt subjekti. Mund të vë dhe unë kolateral por mund të vë dhe për njerëzit dhe të afërmit e mi.Është një rast sporadik. Më erdhi keq se u cënua në publik figura dhe personaliteti që për mua është një nga personalitetet më korrekte të sistemit të drejtësisë, zoti Dedja.

Bashkim Dedja dhe Vitore Tusha janë të vetmit nga Gjykata Kushtetuese që kanë kaluar me sukses procesin e Vettingut.

Më parë nga Gjykata Kushtetuese u shkarkuan për mosjustifikim të pasurive, anëtarët Fatos Lulo, Altina Xhoxhaj dhe Fatmir Hoxha, ndërsa ka dhënë dorëheqje Besnik Imeraj përpara nisjes së procesit.

Ndërsa i fundit që ka mbetur pa kaluar në “filtra” është Gani Dizdari.

Ministri i jashtëm i Greqisë Nikos Kotzias gjatë një interviste në televizionin grek Kontra Channel deklaroi se tashmë janë zgjidhur të gjitha problemet mes Tiranës dhe Athinës. Duke folur për perspektivën europiane të vendeve të Ballkanit Perëndimor, Kotzias u shpreh se vendi i tij do te mbështesë plotësisht çeljen e negociatave te anëtarësimit per Shqipërinë.

“Në Samitin e Qershorit pasi të kemi të miratuara çështjet nga parlamenti i Shqipërisë, ne do të japim okay-n tonë , me gëzimin tonë më të madh që të marrin rrugën europiane. Kemi zgjidhur tashmë të gjitha problemet, ne duhet të ndihmojmë dhe të mbështesim Shqipërinë në rrugën e saj europiane.

E para sepse jemi miq dhe nuk mendojmë në kurriz të tyre dhe nuk jemi një vend që duam tua vështirësojmë gjërat, dhe e dyta sepse ne duhet të formojmë një kurs të përbashkët sot në mënyrë që vendet e Ballkanit të jenë në të ardhmen në Bashkimin Evropian.”

Kryediplomati grek foli dhe për zgjidhjen e emrit të Maqedonisë duke i cilësuar si tepër të rëndësishme vendimin e dy kryeministrave Aleksis Cipras dhe Zoran zaev. Shefat e qeverive te dy vendeve pritet te vulosin kete te marte ceshtjen e emrit.