Çdo maturant që do të zgjedhë degët e mësuesisë duhet të ketë mesataren 7, por ministria e Arsimit synon të afrojë drejt këtij profesioni maturantët më të mirë. Në qytetin e Fierit, ministrja Lindita Nikolla zhvilloi takimin e parë informues, ku theksoi se kjo reformë synon ti kthejë mësuesve dindjitetin. Nuk mund të rrinim sy mbyllur dhe të shikonim që gjithmonë e më shumë maturantët më të dobët zgjidhnin profilin e mësuesisë dhe më pas në universitete problematikat e vetë për ti i injekuar më pas në sistem, të dobët që me zor merrnin provimin e shtetit e kështu me radhë.Për maturantët me mesatare të larta që do të zgjedhin degët e mësuesisë, ministria do të mbulojë tarifën e studimeve. Thirrja ime është që të zgjidhni programet e mësuesisë, kryesisht nxënësit e mirë sepse qeveria do të mbulojë përmes sistemave të bursave shkollimin e të gjithë maturantëve që kanë mesataren mbi 9. Në Fier ministrja e Arsimit Lindita Nikolla bisedoi me maturantët edhe mbi kriteret e maturës shtetërore dhe atyre të pranimit në universitet që këtë vit nuk kanë pësuar ndryshime.

Një fabrikë riciklimi mbetjesh në Kashar është përfshirë nga flakët paraditen e sotme. Zjarri vijon prej orës 10:00 në magazinën e fabrikës ‘Everest’, ndërsa janë dëgjuar edhe disa shpërthime të vogla brenda godinës. Në vendngjarje janë policia, 10 zjarrfikëse nga Tirana dhe Durrësi dhe forcat e Ushtrisë duke punuar për fikjen e zjarrit. E ndërsa edhe godina e dytë e fabrikës së riciklimit është përfshirë nga flakët, dy biznese të tjera, mes tyre një karburant rrezikojnë që të përfshihen nga flakët. Nuk është vlerësuar një ndërhyrje nga ajri, pasi mund të rrezikohet helikopteri. Në momentin e zjarrit brenda në fabrikë ka pasur punëtorë, të cilët kanë dalë me shpejtësi. Nga zjarri nuk ka të lënduar në njerëz, por vetëm dëme të shumta materiale, pasi magazina është e shkrumbuar plotësisht.
Shtullungat e tymit janë aq të mëdha sa janë përhapur në të gjithë kryeqytetin. Në të gjithë zonën është bllokuar qarkullimi dhe është stakuar energjia elektrike. Ende nuk ka një informacion të saktë se kush kanë qenë shkaqet e zjarrit, ndërsa mësohet se edhe para një viti ky biznes është djegur. Gjithashtu biznesi është gjobitur për mos marrjen e masave kundër zjarrit. Të gjitha mjetet dhe forcat e emergjencave janë në terren për të mundësuar shuarjen e zjarrit që ka rënë në nga bizneset në zonën industriale të Tiranës. Nëpërmjet një statusi në rrjetet sociale, kryetari i Bashkisë së Tiranës, Erion Veliaj bënë të ditur se forcat e zjarrfikëse dhe forcat e policisë dhe ushtrisë janë në teren duke u përballur me flakët për të mundësuar shuarjen e zjarrit dhe minimizimin e dëmeve ekonomike në biznesin ku dhe ka rënë zjarri. “Të gjitha shërbimet e qytetit, Emergjencat Civile, Zjarrfikës, Polici & Ushtri janë përfshirë në betejën me zjarrin në një fabrikë në Kashar! ”, shkruan Veliaj. Për të bërë më të lehtë punën e punonjësve të emergjencave që po punojnë për shuarjen e zjarrit, kryebashkiaku i bënë thirrje të gjithë qytetarëve të Tiranës që të shmangin në maksimum lëvizjet në këtë zonë. “Ju lutem evitoni kalimin në zonë gjer sa situata të vihet nën kontroll!”, shkruan në Twitter Veliaj.

Policia financiare italiane ka sekuestruar një gomone me 1 ton marijuanë e nisur nga Shqipëria drejt Italisë. Në pranga është vënë skafisti shqiptar N.M 34 vjeç. Operacioni i financës italiane është ekzekutuar rreth orës 12.15 të ditës së djeshme në ujërat e Santa Maria de Leuca në provincën e Lecces. Trupat ajrore e detare të policisë italiane të impenjuara në operacionin Themis 2018 të Agjensisë europiane Frontex për patrullimin e ujërave të Adriatikut janë vënë në ndjekje të gomones. Gjatë ndjekjes skafisti shqiptar ka hedhur në det sasinë e drogës dhe në afërsi të brigjeve të komunës Marina di Novaglia në provincën e Lecces ka braktisur gomonen për t’i shpëtuar arrestimit të forcave italiane. Operacioni i financës italaine ka mundur të ndaloj skafistin si dhe të vërë në siguri gomonen e cila lundronte e vetme në shpejtësi të lart duke vënë në rrezik mjetet e tjera lundruese. Sasia e marijuanës së sekuestruar është rreth 1 ton me një vlerë prej 1 milionë euro. Gjithashtu në gomone jaën gjetur dhe 1 kg hashash. Gomonia eshte e gjatë 7 metra dhe e pajisur me 2 mottora të fuqishëm ajshtë bordit prej 100 kv.