Pezullohet nga detyra shefi Urbanistikës së Bashkisë Durrës, Adhurim Qehajaj. Vendimi është marrë nga Gjykata e Shkallës së Parë të Durrësit, e cila ka miratuar kërkesën e Prokurorisë. Qehajaj akuzohet për “shpërdorim detyre”. Sipas organit të akuzës, shefi Urbanistikës së Bashkisë Durrës ka dhënë lejen e ndërtimit të një objekti hotel, në zonën e Urës së Dajlanit në kundërshtim me kriteret e ligjit nr. 107/2014, datë 31.07.2014 “Për planifikimin dhe zhvillimin e territorit” i ndryshuar, dhe VKM nr. 408, datë 13.05.2015 “Për miratimin e rregullores së zhvillimit të territorit” i ndryshuar. Hoteli në pronësi të shtetasit Ndriçim Domi ndodhet ndërmjet rrugës Kombëtare tek “Ura e Dajlanit” dhe bregut të Detit.  Objekti me sipërfaqe 1516.8 m2 ndodhet brenda kufirit kufizues të përcaktuar si Zonë me Rëndësi Kombëtare, në pjesën e Brezit Bregdetar. Gjithashtu Gjykata në Durrës vendosi caktimin e masës së sigurimit pasuror, sekuestro preventive në lidhje me objektin dhe truallin duke urdhëruar:-Pezullimin e kryerjes së mëtejshme të punimeve të ndërtimit në objektin “Hotel 5-6 kate dhe 1 kat nëntokë” në pronësi të shtetasit Ndriçim Domi, lagje nr. 13, Plazh, Durrës.  -Pezullimi i kryerjes së transaksioneve në pasurisë në pronësi të shtetasit Ndriçim Domi. Prokuroria saktësoi se leja e zhvillimit dhe ndërtimit është dhënë për një zonë të përcaktuar si të Rëndësisë Kombëtare dhe është Këshilli Kombëtar i Territorit organ kompetent përgjegjës për të miratuar lejet e zhvillimit dhe të ndërtimit për zona të rëndësisë kombëtare.

Dhe pse vetë ishte vizatuar si Poseidoni, një karikaturë që i shfaqte ministrat e Edi Ramës si gjysëm-peshq duke notuar në det, mirëpriti kabinetin qeveritar në Elbasan.Për shkak të deklaratave për kapjen e peshqve të mëdhenj, Rama nuk ka pranuar të flasë as me shaka për këtë temë. Kryeministri u bë nervoz sapo iu bë analogjia me karikaturën në mur dhe pyetjes së gazetares së News24, Marsela Karapanço i është përgjigjur nervoz.“Unë nuk kam lajmëruar asnjë arrestim të bujshëm se unë nuk kam për detyrë të arrestoj njerëz, edhe kshu që kur të zgjoheni nga ëndrra që keni parë duke lajmëruar arrestime mund të bëhemi bashkë për një konferencë shtypi” .

Policia e Tiranës ka shkatërruar një grup që shpërndante lëndë narkotike në afërsi të shkollave të mesme, duke vënë në pranga katër persona. Efektivët e komisariatit nr.1 bën arrestimin e Kristjan Karaxhukut, 21 vjeç, banues në Tiranë, i shpallur në kërkim për veprën “Mosbindja ndaj urdhrit të punonjësit të policisë së rendit publik”. Krahas tij në operacionin e zhvilluar këtë të hënë u arrestua edhe Sulltan Rrapi, 20 vjeç, banues në Tiranë dhe Ervis Shehu, 19 vjeç, banues në Tiranë, i dënuar më parë për veprën penale “Drejtimi i mjetit në mënyrë të parregullt” , si dhe i shpallur në kërkim për veprën “Mosbindja ndaj urdhrit të punonjësit të policisë së rendit publik”. I arrestuari i katërt është Petrit Ndoci, 44 vjeç, banues në Tiranë, i dënuar më parë për veprat penale “Vjedhja me dhunë” dhe “Heqja e paligjshme e lirisë”. Në bazë të informacioneve të marra në rrugë operative, ka rezultuar se katër të rinjtë në bashkëpunim me njëri- tjetrin, kryenin aktivitetin e kundërligjshëm të shitjes së lëndëve narkotike kanabis sativa pranë shkollave të mesme në qytetin e Tiranës. Gjatë kontrollit fizik të ushtruar shtetasve të mësipërm ju janë gjetur dhe sekuestruar 20 doza të dyshuara me kanabis sativa, e ndarë në porcione gati për t’u shitur. Gjithashtu gjatë kontrollit në banesën e Petrit Ndocit, u gjetën e bllokuan 3 doza të dyshuara me lëndë narkotike kanabis sativa, një patentë italiane e falsifikuar, një dokument (tesera sanitaria) dhe një kartë identiteti. Ndaj të dyshuarve hetimet janë në vijim, ndërkohë që materialet iu referuan Prokurorisë së Tiranës për veprat penale të “Prodhimit dhe shitjes së narkotikëve e kryer në bashkëpunim” dhe “Falsifikim dokumentash”.

Rreth 320 policie do të jenë në gatishmëri për mbarëvajtjen sa më mirë të festës së ditës së veres në Elbasan. Në gatishmëri do të jenë 321 forca policie nga Elbasani dhe FNSH Tiranë. “Do të merren të gjitha masat për parandalimin e ngjarjeve të mundshme kriminale gjatë zhvillimit të aktiviteteve”,thuhet në njoftimin e policisë.

Ndërkohë do të ketë kufizim të qarkullimit të mjeteve bnë disa rrugë kryesore të Elbasanit.1. Në orën 07:00 të datës 14.03.2018 deri në përfundim të aktivitetit të Karnavaleve do të bllokohet lëvizja në bulevardin “Aqif Pasha” nga Stadiumi deri tek 1 Maji dhe nuk do të lejohen parkimet e mjeteve nga “Rrethrrotullimi i luleve – Bashkia”2. Nga stadiumi deri tek “Pallati i Sportit”, nuk do të lejohen parkimet apo qëndrimet e mjeteve.3. Më datë 14.03.2018 mjetet e tonazhit të rëndë të evitojnë lëvizjen në aksin rrugor Elbasan – Librazhd.

Policia Rrugore krahas masave të marra për mbarëvajtjen e trafikut, do të ketë dhe një sërë masash për shtimin e kontrollit ndaj përdoruesve të rrugës, që drejtojnë automjetin në gjëndje të dehur, që tejkalojnë normat e shpejtësisë, që kryejnë parakalime të gabuara, etj. Policia i bën thirrje të gjithë qytetarëve që të evitojnë në maksimum lëvizjen me automjet brënda qytetit të Elbasanit, çka do të sillte një ndihmesë të madhe në zhvillimin sa më normal të aktiviteteve festive.

Kryeministri Edi Rama tha nga qyteti i Elbasanit, se dy projektet e rrugëve Tiranë-Elbasan dhe Qukës – Qafë Plloçë. Kryeministri Edi Rama deklaron se rruga Elbasan- Tiranë do të finalizohet brenda këtij viti. Më pas do të vijohet me segmentin Qukës- Qafë Plloc. Rama nuk dha shifër por tha se qeveria do të marrë përsipër financimin. “Ne do të marrim përsipër financimin. Rruga është gropa e një marrëzie të shkuar dhe babëzie të freskët. Për marrëzinë e shkuar kanë paguar qytetarët dhe buxheti i shtetit. Shpresoj që për babëzinë e freskët të paguajnë ata që janë në hetim. Ne kemi detyrë dhe do të bëjmë deri në fund të vitit. Nga Elbasani, ku Rama ka mbledhur sot qeverinë tha se ky qark do të jetë një prej qarqeve që ka përfitueshmëri më të lartë nga programi i fshatrave turistikë. Janë 8 fshatra. Kemi dy probleme, të trashëguara, dy gropa, të cilat kemi bërë përpjekje për ti mbushur, por ende nuk i kemi mbushur plotësisht. Qoftë për arsye të marrëzive të të shkuarës së largët, qoftë për arsye të shfaqje të babëzisë të së shkuarës së afërt. Kam parasysh rrugën Elbasan-Tiranë dhe rrugën Qukës Qafë – Plloçë.  Projekte skandaloze, kontrata skandaloze,  menaxhim skandaloz dhe rritje kostosh skandaloze. Sidoqoftë ajo çka ne jemi angazhuar dhe jemi të vendosur të realizojmë është që rruga më në fund të finalizohet brenda këtij viti. Pra të hapet përfundimisht dhe të lidhet Elbasani me Tiranën. Ndërkohë që të ecet me segementin Qukës- Qafë Pllocë. Qeveria vendosi gjithashtu të shkrijë 13 drejtoritë bujqësore duke kaluar në 4 agjenci rajonale të seksionit bujqësor dhe 4 të veterinarisë e mbrojtjes së bimëve.