Prokuroria ka rindërtuar skenën e vrasjes së biznesmenit Memli Begalla, sipas të cilës kanë qenë 3 persona të cilët kanë marrë pjesë në vrasjen e biznesmenit.

Siapas “Balkanweb”, fillimisht Ardjan Serezi dhe Denis Demiri janë ulur në një kafe pranë sheshit Willson, ndërsa personi i tretë, është ulur në një kafe tjetër, pak metra më larg.

Në momentin kur në zonë është afruar biznesmeni Memli Begalla, të 3 personat kanë filluar të lëvizin. Ardjan Serezi dhe Denis Demiri u larguan në Drejtim të Policisë Tiranë, ndërsa personi i 3 i shpallur në kërkim, ka qëndruar në vendin ku ishte për kafe Memli Begalla.

Sapo Memli Begalla është çuar nga kafja, dyshohet se bashkëpunëtori i tretë ka lajmëruar Serezin dhe Demirin për lëvizjen e tij dhe të dy vrasësit ishin duke e pritur tek ky tunel, Begallën dhe e kanë qëlluar menjëherë sapo biznesmeni është futur tek sheshi poshtë pallatit të tij dhe aty e kanë qëlluar me 1 plumb në kokë.

Më pas u larguan me BMË që kishin parkuar pranë tunelit ku kryen vrasjen, makinë të cilën hetuesit e kanë gjetur në zonën e Picallës pranë Saukut të lyer me benzinë.

Hetuesit kanë gjetur edhe 13 profile gjenetike, të cilat do i nënshtrohen ekspertimeve biologjike. Në pranga deri më tani janë Ardjan Serezi dhe Denis Demiri, ndërkohë që bashkëpunëtori i tretë, identiteti i të cilit mbahet i fshehtë, është shpallur në kërkim. Ndërkohë Demiri dhe Serezi kanë mohuar vrasjen, por hetuesit thonë se kanë prova të mjaftueshme që i lidh ata me ekzekutimin e Memli Begallës.

Dyshohet se biznesmenin është vrarë për 1 ton drogë të kapur në Tepelenë në vitin 2014,  por nuk përjashtohet edhe pista e vrasjes me pagesë, për shkak të borxheve që Memli Begalla u kishte disa personave

Deputeti i partisë demokratike, Enkelejd Alibeaj me anë të një deklarate për shtyp i është përgigjur akuzave të kryeministrit Rama për konspiracion rus brenda PD-së.

Sipas Alibeajt akuzat qesharake nuk mund ta ndihmojnë Ramën të fshehëse ai po bën gjithçka për të shpëtuar Saimir Tahirin nga burgu dhe se vëllai i tij, Olsi Rama, është një nga peshqit e mëdhenj të kokainës kolumbiane.

“Edi Rama hesht dhe nuk u thotë shqiptarëve përse është takuar fshehurazi me Saimir Tahirin të premten paradite në një nga spitalet private të Tiranës. Është biznesi i tij familjar me kartelet  e kokainës, mbrojtja e Saimir Tahirit dhe shndërrimi i vendit në parajsën e drogës akti më antikombëtar i Edi Ramës.”-shkruan Alibeaj.

Deklarata e plotë:

Akuzat qesharake për konspiracion rus nuk mund ta ndihmojnë Edi Ramën të fshehë 2 të vërteta të mëdha, se ai po bën gjithccka për të shpëtuar Saimir Tahirin nga burgu dhe se vëllai i tij, Olsi Rama, është një nga peshqit e mëdhenj të kokainës kolumbiane.

Që kur 613 kilogramët e kokainës u kapën me ndihmën e partnerëve të huaj, Kryeministri i vendit është zhdukur nga qarkullimi dhe nuk jep përgjigje se çfarë lidhje ka Olsi Rama me një nga kartelet më të rrezikshme të drogës kolumbiane dhe cili ishte roli i Olsi Ramës në ngarkesën e 613 kilogramëve kokainë të pastër.

​Edi Rama hesht dhe nuk u thotë shqiptarëve përse është takuar fshehurazi me Saimir Tahirin të premten paradite në një nga spitalet private të Tiranës. Është detyrim i kryeministrit të vendit të flasë për marrëdhënien e tij me Saimir Tahirin, duke mos mbajtur më peng integrimin europian të vendit. Edi Rama e di shumë mirë se pa i hequr mbrotjen politike ish ministrit të tij të brendshëm, Shqipërisë nuk do t’i hapen negociatat e anëtarësimit në Bashkimin Europian.

Politikën në Shqipëri nuk e ulin poshtë skemat e trasha të Edi Ramës me rusë, spiunazh dhe destabilitet, por është bashkëqeverisja e tij me krimin rreziku më i madh për stabilitetin e Shqipërisë dhe rajonit. Është biznesi i tij familjar me kartelet  e kokainës, mbrojtja e Saimir Tahirit dhe shndërrimi i vendit në parajsën e drogës akti më antikombëtar i Edi Ramës.

Tre persona kanë rënë në pranga dhe një tjetër është shpallur në kërkim nga policia e Tiranës pasi po lëviznin me një ngarkesë prej 155 kg kanabis në automjetin e tyre.

Të arrestuar janë; Kejvin Vathi 23 vjeç, banues në Tiranë Gezim Laçi 26 vjeç banues në Krujë, Arian Laçi 23 vjeç banues në Krujë, ndërsa u shpall në kërkim M.K. 32 vjeç banues në Krujë.

Gjatë kontrollit në rrugën “Skënderbeu” të ushtruar në automjetet tip “Audi” dhe ” Golf 4″, përveç drogës dhe sekuestruan 13100 lekë, 2 automjetet dhe 4 telefona celular.

Materialet procedurale iu kaluan Prokurorisë pranë Gjykatës së Shkallës së Parë Tiranë, për veprime te mëtejshme hetimore për veprat penale të “Prodhimit dhe shitjes së lëndëve narkotike në bashkëpunim”.

Disa të shtëna me armë zjarri janë shënuar mbrëmjen e shkuar, në fshatin Nikël të Fushë Krujës. Mësohet se ngjarja ka ndodhur rreth orës 23:30, ku disa persona të paidentifikuar kanë qëlluar me armë zjarri drejt një banesë të Niklës.

Sipas policisë objektiv ka qënë banesa e Ramazan Mehmetit 60-vjeç, megjithatë për fat të mirë nuk raportohet për të lënduar.

Bardhëeblutë kanë marrë në pyetje kryefamiljarin për të mësuar për konfliktet e mundshme, mirëpo ende nuk dihet se kush mund të jenë autorët apo motivet e tyre.

Mbrëmjen e djeshme rreth orës është qëlluar me armë zjarri në drejtim të një banese në fshatin Nikël. Objektivi ka qenë, ndërsa nuk raportohet për të lënduar nga të shtënat me armë zjarri.