Nard Ndoka, deputet i opozitës dhe Kryetari i PDK-së, ka ironizuar në rrjetet sociale kundërshtarët e kreut të PD-së, Lulzim Basha.

“Grupi “antiBasha”, po tenton të krijojë parti të re, një lajm i ‘mirë’ për të djathtën dhe pluralizmin! Për fat të keq do të kemi 5-6 parti të reja, sepse anëtarët e “grupit” nuk pranojnë njëri-tjetrin për kryetar!”, shkruan Ndoka

Teksa e njofton se grupi “anti-Basha” po tenton të krijojë një parti të re ai ironizon duke thënë se ky është  një lajm i ‘mirë’për të djathtën dhe pluralizim në vend.

REAGIMI:

Grupi “antiBasha”, po tenton të krijojë parti të re, një lajm i ‘mirë’ për të djathtën dhe pluralizmin!

Për fat të keq do të kemi 5-6 parti të reja, sepse anëtarët e “grupit” nuk pranojnë njëri-tjetrin për kryetar!????

Në Korçë është grabitur gjatë mbrëmjes së djeshme një fabrikë e prodhimit të bojrave. Autorët kanë marrë kasafortën me para dhe janë larguar. Fabrika është në pronësi të 47 vjeçarit me iniciale A.M.

Policia ndodhet në vendngjarje dhe po punon për identifikimin dhe kapjen e autorëve. Fabrika ruhej nga një roje i cili ka deklaruar se nuk kishte parë asnjë njeri gjatë natës.

Njoftimi i policisë:

Më datë 04.03.2018, gjatë natës në afërsi të fshatit Dishnicë, dyshohet se persona ende të paidentifikuar kanë hyrë në ambjentet e brendshme të një fabrikë të prodhimit të bojrave në pronësi të shtetasit A.M, 47 vjeç, banues në Korçë dhe kanë vjedhur një kasafortë brenda së cilës ndodhej një shumë e konsiderueshme lekësh.

Fabrika ruhej me roje private, i cili ka deklaruar se nuk kishte parë njeri, pasi vjedhjen e ka konstatuar rreth orës 08:00 të mëngjesit të sotëm.

Grupi hetimor ndodhet në vendngjarje dhe po punohet për identifikimin, kapjen e autorëve si edhe zbardhjen e rrethanave të ngjarjes.

Konfindustria njofton se do t’i kërkojë zyrtarisht qeverisë shqiptare shtyrjen e zbatimit të TVSH/tatimit të vlerës së shtuar mbi kategorinë e biznesit të vogël të parashikuar në 1 prill 2018. Shtyrja e afatit këshillohet të jete fillimi i vitit 2019. Mbështetur në të dhenat zyrtare jane me mijëra biznese të vogla, që sipas Drejtorise se Tatimeve po kalojnë me shpejtësi në mbyllje të sforcuara si pasoje e përfshirjes në skemën e TVSH.

Konfindustria, duke e mbështetur parimisht vlerëson, se shtrirja e TVSH mbi biznesin e vogel me qarkullim vjetor mbi 2 milion/leke nuk duhet të ndermerret si një akt i vecuar, por pjesë e një procesi të mirestudjuar profesional, institucional dhe ligjor per ndikimin e një mase të tillë në ekonominë dhe mirëqenien e qytetareve shqiptare në afatgjate. Masa e mësiperme ka vetëm ndikim të terthorte dhe jo të drejtperdrejtë në uljen e nivelit të informalitetit në ekonomi.

Në rast të kundërt pasojat do të jenë mbyllja e disa mijra biznesesh të vogla, qe do të kërkojnë mbeshtje sociale papunësie nga buxheti, monopolizim sektorial, rrezikim masiv të prodhimit vendor, që punon me cikël të mbyllur për tregun e brendshem dhe favorizim i prodhimeve të importit. Gjithashtu, veshtiresia objektive e menaxhimit nga institucionet fiskale përgjegjëse të skemës së zgjeruar të TVSH, rrezikon të prodhojë problematika financiare për buxhetin e shtetit dhe njëkohesisht rritjen e mundesive për abuzime dhe korrupsion, përfundon deklarata e Konfindustria.