Presidenti i Kosovës, Hashim Thaçi, i cili ndodhet për vizitë zyrtare në Shtetet e Bashkuara, ka kritikuar ashpër strategjinë e re të Bashkimit Evropian për integrimin e Ballkanit Perëndimor, që u publikua 1 ditë më parë. I pari i vendit e ka cilësuar si dështim strategjinë e BE-së, pasi nuk ka qenë e qartë për anëtarësimin e Kosovës në bllok. Komisioni Evropian publikoi dje strategjinë e re për perspektivën e integrimit të Ballkanit Perëndimor në BE. Megjithatë, për arsye të njohura politike, fatkeqësisht, ky dokument nuk ka arritur të paraqes një perspektivë të anëtarësimit gjithëpërfshirës dhe të barabartë për të gjitha vendet e rajonit. Në veçanti, kjo strategji ka dështuar të ofrojë qartësi për anëtarësimin e Kosovës në BE. Presidenti i Kosovës Thaçi ka shkruar përmes rrjeteve sociale se e mirëpret hartimin e dokumenti strategjik të BE, i cili e trajton Kosovën si pjesë integrale të planeve për zgjerim. Megjithatë ai nënvizon se blloku ka paraqitur një qasje jo të drejtë ndaj Kosovës, e cila sipas tij vjen si pasojë e mosnjohjes nga pesë vendet anëtare të BE, respektivisht paaftësi e Bashkimit Europian për një qëndrim unik për Kosovën. Më pas ai ka thënë se duhet të shfrytëzohet potenciali i plotë i strategjisë së BE-së për të avancuar në pozicionimin e Kosovës në rrugën drejt anëtarësimit. Ndër të tjera Thaçi nënvizon në shkrimin e tij se duhet të zbatohen reformat e nevojshme evropiane dhe të përmbyllet procesi i dialogut me Serbinë të ndërmjetësuar nga BE-ja. Sipas Presidentit, Kosova urgjentisht duhet të tejkalojë gjendjen e izolimit duke ratifikuar marrëveshjen për vijën kufitare me Malin e Zi, e cila sjell respektivisht edhe heqjen e vizave për qytetarët e Kosovës. Përveç kritikave dhe qëndrimit të tij të ashpër, Thaçi u shpreh se e vlerëson strategjinë e Bashkimit Europian si një përpjekje të bllokut për të rritur përkushtimin dhe nxitur reformat e shteteve të rajonit për anëtarësim në BE.
Femrat me të pasmet më tërheqëse
Të pasmeve së fundit në botën virtuale të Instagramit dhe rrjeteve të tjera sociale, po i kushtohet vëmendje e madhe. Madje edhe më shumë se dikur ikonës së vitheve “llahtar”, Xhenifer Lopez, apo të famshmes që s’mbaron, Kim Kardashian. Tani, radha i ka ardhur ca të tjerave, me vithe më bombastike. Fotot e mëposhtme, mundësojnë që ju të zgjidhni se cilat janë të pasmet që ju pëlqejnë më shumë.
“Seksi” Beth Morgan
Beth Morgan u përjashtua nga programi televiziv britanik “Coronation Street” për rrjedhje skenaresh. Por duket se kjo gjë nuk e ka mërzitur aspak aktoren, e cila është fotografuar duke shijuar diellin spanjoll këtë të dielë. Teksa relaksohej buzë pishinës, bukuroshja 22 vjeçare, e veshur me bikini, ka nxjerrë në pah format e saj seksi.
Duka:Sot nuk po votoni për Armand Dukën po votoni për futbollin shqiptar.
Në fjalimin para asamblesë së FSHF-së, Armando Duka i bëri thirrje delegatëve të mos e votojnë Bashkim Finon duke e konsideruar një eksperiment, pjesë të një klani politik. Sipas tij “FSHF është një institucion model në vendin tonë, kemi rritur me 30% numrin e lojtarëve të regjistruar. Kërkoj votën tuaj me besim të plotë më shumë se kurrë. Kemi ngritur stekën e suksesit tashmë, mjaft lart dhe duhet të bashkohemi për të mos zbritur asnjë centimetër më poshtë. Sot keni një përgjegjësi të madhe historike dhe kombëtare. Do ishte papërgjegjshmëri t’ia lësh në dorë FSHF-në, një eksperimenti apo një klani të organizuar politik. Sot nuk votoni thjesht për postin e Presidentit të Federatës, keni në dorë ti jepni shoqërisë mesazhin e duhur ose mesazhin e shtrembër” tha Duka, që kërkon mandatin e pestë për drejtimin e FSHF-së. Më herët ai ka deklaruar se Fino ka mbledhur rreth vetes një grup gangsterësh dhe të fortësh me të cilët kërcënon delegatët.
Fino: Duka keqpërdori futbollin shqiptar
Bashkim Fino kërkon votën për postin e presidentit të FSHF-së. “Kërkoj votën tuaj. Jo për cilësitë e mia personale. Më votoni për platformën dhe programin që unë prezantoj. Kapërcimin e statuskuosë. Presidenti i deritanishëm kërkon votën e vazhdimësisë 16 vjeçare duke premtuar të bëjë ato që ka bërë keq. Por pa ia mohuar atë që ka bërë arritje konstatoj se futbolli shqiptar është i sëmurë. Kampionati shqiptar është me besueshmëri më të ulët në botë. Fondet e FSHF nuk mund të jenë për administratën apo presidentët e saj por për klubet
Kryprokurorja Arta Marku në Elbasan
Analiza vjetore e Prokurorisë si dhe përurimi i ndërtesës së re janë dy arsyet që e çojnë këtë të mërkurë Prokuroren e Përgjithshme të Përkohshme Arta Marku, në qytetin e Elbasanit. Pas vizitës së saj në Prokurorinë e Shkodrës, Marku shkon sot në njërën nga Prokuroritë ku pati dhe më shumë probleme, duke kujtuar këtu kallëzimin penal të Dritan Ginës, ish-kreut të institucionit, i cili nuk pranoi vendimin e Kryeprokurores për ta lëvizur nga drejtimi i organit të akuzës së Elbasanit. Kujtojmë gjithashtu se qyteti i Elbasanit në muajt e fundit të vitit që lamë pas ka qenë në vëmendjen e të gjithëve, për shkak të ngjarjeve të shumta kriminale, përplasjeve mes grupeve kundërshtare e sidomos incidentin e famshëm mes policisë dhe një grupi të dyshuar kriminal
Testohet raketa më e fuqishme në botë
Rreth orës 15:45 sipas kohës amerikane, raketa më e fuqishme në botë u nis nga Qendra Hapësinore Kennedy në Florida. Mijëra përcjellës të ngjarjes mund të dëgjoheshin duke brohoritur përmes fluturimit të SpaceX. Raketa është ndërtuar nga SpaceX, e udhëhequr nga miliarderi, drejtori ekzekutive i Tesla-s, Elon Musk. Raketa “Falcon Heavy” është dy herë më shumë e fuqishme se raketa më e fuqishme në botë, “Delta IV Heavy” . Sipas Elon Musk raketa më vonë do të jetë në gjëndje të dërgojë njerëzit në Mars. Musk ka thënë se planifikon të fluturojë me anijen pa pilot në Mars aty nga viti 2018, dhe synon të nisë një mision me njerëz në Mars rreth vitit 2025. Vitin e kaluar në një prezantim në Adelaide, të Australisë Elon Musk deklaroi se udhëtimi nga Nju Jorku në Shangai mund të bëhet për 39 minuta, ndërsa për të udhëtuar nga Bangkoku në Dubai do të duhen 27 minuta, dhe 30 minuta për të shkuar nga Tokio në Delhi.
Krimet e Rënda lënë në burg Xhikën dhe dy ish-zyrtarët e ARRSH
Ish drejtori i Përgjithshëm i rrugëve Dashamir Xhika dhe dy ish-vartësit e tij, Aksel Qurduka dhe Albens Alite dolën para togave të zeza për t’u njohur me masën e sigurisë “arrest me burg” të caktuar për ta në funksion të hetimeve për abuzimet me fondet e shtetit gjatë ndërtimit te rruges Tirabe-Elbasan. Mbi ish-drejtorin e Autoritetit Rrugor Shqiptar Dashamir Xhika rendojne dy vepra penale, “shperdorim detyre” dhe “korrupsion i zyrtarëve të lartë”. Ndërsa Aksel Qurduka dhe Albens Alite po hetohen vetëm për veprën penale “shpërdorim detyre”. Hetimi për këtë çështje nisi pas një kallëzimi të bërë nga Kontrolli i lartë i shtetit në vitin 2016 dhe një tjetër kallëzimi të paraqitur në prokurori disa muaj më pare nga ministria e Infrastrukturës. Nga auditi për punimet e rrugës Tiranë-Elbasan, rezultoi se buxhetit të shtetit i është shkaktuar një dëm ekonomik 54 milionë dollarë.
Motra e Kim Jong-un viziton Korenë e Jugut
Motra me shumë influencë e udhëheqësit koreanoverior Kim Jong-un pritet të marrë pjesë në ceremoninë e hapjes së Lojërave Olimpike Dimërore që do të zhvillohen në jugun fqinje. Lajmin e bënë të ditur autoritetet e Seulit. Kim Yo-jong është vajza e vogël e ish-liderit të ndarë nga jeta Kim Jong-il dhe roli i saj u fuqizua edhe më shumë vitin e kaluar kur u përfshi në byronë politike. Të dyja Koretë do të marshojnë nën të njëjtin flamur në ceremoninë e inaugurimit. Pjesëmarrja e zyrtarëve të lartë nga Koreja e Veriut është para si një zbutje e marrëdhënieve dypalëshe. Megjithatë ekspertët nuk mendojnë se zhvillimet do të kenë ndonjë ndikim sa i përket ambicieve bërthamore të Penianit. Shtetet e Bashkuara të Amerikës besojnë se Veriu komunist po përdor Lojërat Olimpike për qëllime propagandistike dhe do të dërgojnë zëvendëspresidentin Mike Pence për të adresuar çështjen.“Ne do të udhëtojmë drejt Koresë së Jugut për t’u siguruar se Peniani nuk do të përdorë simbole të fuqishme në sfondin e Lojërave Olimpike për të mbuluar të vërtetën mbi regjimin”, ishin fjalët e Pence. Kim Yo-jong, e cila është motra nga nëna e Kim Jong Un do të shoqërojë liderin ceremonian të shtetit, Kim Jong Nam, pjesëmarrja e të cilit u njoftua gjatë fundjavës.
Gjermania me qeveri, konservatorët e Merkel dhe SPD arrijnë marrëveshje
Socialdemokratët e qendrës së majtë të Gjermanisë (SPD) kanë arritur marrëveshjen për koalicionin qeveritar me konservatorët e kancelares Angela Merkel (CDU / CSU), sipas raporteve të medias. Një marrëveshje për shpërndarjen e Ministrive u tha të jetë një nga pengesat e fundit kryesore në drejtim të formimit të koalicionit. Marrëveshja vjen pas më shumë se katër muaj grindjesh nga zgjedhjet që nuk prodhuan qeveri në shtator. Negociatorët kanë qenë në bisedime të vazhdueshme që nga mëngjesi i së martës. Pengesat e fundit kanë qenë të drejtat e punëtorëve dhe kujdesi shëndetësor. Fillimisht SPD përjashtoi kthimin në qeveri me CDU e qendrës së djathtë të zonjës Merkel dhe partisë së saj bavareze, CSU. Megjithatë, pas disa muajsh bllokimi, ka shpresë se Gjermania mund të ketë një qeveri për Pashkët. 460,000 anëtarë të SPD do të kenë një fjalim përfundimtar nëse do të pranojnë një marrëveshje koalicioni në një votim postar që do të ndodhë në javët e ardhshme.