Monika Kryemadhi, Kryetarja e Lëvizjes Socialiste për Integrim, ka shkuar pasditen e sotme në selinë blu për një takim me kryetarin e Partisë Demokratike Lulzim Basha.

BalkanWeb ka njoftuar për këtë takim të dy krerëve të partive opozitare në vend.

Sipas mediave arsyeja e takimit të krerëve mund të jetë koordinimi i zhvillimive të opozitës në javët e ardhshme.

Kujtojmë se më herët të dyja partitë kanë njoftuar për zhvillimin e protestave në javët në vazhdim kundër qeverisë Rama 2.

Në këtë takim ka qënë i pranishëm edhe kreu i grupit parlamentar të LSI, Petrit Vasili.

Pandeli Majko, Ministër i Shtetit për Diasporën është prononcuar për emisionin “Përballë” mbi situatën politike dhe marrëdhëniet me Kosovën.

Në këtë emision Majko ka treguar edhe disa nga pengesat që nuk lejojnë që të hapet kufiri me Kosovën për lëvizjen e lirë të mallrave.

Sipas Ministrit bizneset janë ato që nuk lejojnë që të hapet tregu i lirë me Kosovën për shkak të interesave që ato kanë.

Majko u shpreh se bizneset influencojnë dhe nuk lejojnë që të hapet kufiri midis dy vendeve.

“Pas nesh qëndrojnë bizneset dhe bizneset na thonë prit, mos e hap kufirin se më duhet mua koncesioni atje, mos e hap kufirin se ulen çmimet e mallrave, nuk më duhet mua politika, se më intereson më mirë të hyjë malli nga ky drejtim se sa nga ai drejtim. Pavarësisht se duket sikur qeveris politika, gjithmonë e më tepër rregullat i vendos biznesi”– u shpreh Pandeli Majko.

Ministria e Bujqësisë ka shkarkuar tre drejtorë rajonalë të AKU-së.

Gjatë dy ditëve të fundit, Autoriteti Kombëtar i Ushqimit si pasojë e evidentimit të shkeljeve të vazhdueshme në zhvillimin e funksioneve të tyre dhe mospërmbushjen e objektivave për garantimin e sigurisë ushqimorë, ka marrë masën largim nga detyra për drejtorët rajonalë të AKU-së në Qarkun Korcë, Dibër dhe Lezhë.

“Procesi i auditimit të aktivitetit të çdo punonjësi duke nisur nga pozicionet drejues e deri tek roli bazë në AKU, do të vazhdojë në mënyrë të pandërprerë duke mos toleruar asnje rast në mos përmbuyshjen e objektivit kryesor të këtij institucioni, garantimin e sigurisë ushqimorë në vend.” – thuhet në njoftimin e ministrisë.”

Institucionet e reja të drejtësisë si SPAK dhe Byroja Kombëtare e Hetimit do të vendosen në një godine të re, vetëm pak metra larg Policisë së Shtetit. Burime konfidenciale nga qeveria thanë për Report TV se SPAK dhe BKH do të vendosen në godinën ku ka qenë Ministria e Shëndetësisë. Personat që do të hetojnë zyrtarët e lartë për korrupsion dhe krimin e organizuar do të qëndrojnë në të njëjtën godinë.

Plani për të vendosur SPAK-un në godinën ku ka qëndruar Ministria e Shëndetësisë është i mbuluar me mistere dhe mbahet sekret. Por Report TV mësoi se godina ku do qëndrojnë personat që do hetojnë zyrtarët e lartë do të lidhet me një tunel me Policinë e Shtetit. Është menduar që SPAK dhe Policia të lidhen ose me tunel nëntokësor, ose me tunel ajrorë.

Mundësia me madhe është që SPAK dhe Policia të komunikojnë nëpërmjet një tuneli të nëndheshëm, në mënyrë që çdo informacion të mos dalë jashtë këtyre dy godinave dhe të mbahen sekrete të dhënat që do të zbulohen. Arsyeja e lidhjes së dy godinave me tunel, lidhet vetëm me faktin që zyrtarët e lartë të cilët do hetohen të mos marrin të dhënat sekrete duke qarkulluar shkresat dhe çdo informacion do të jetë hermetik mes SPAK dhe Policisë.

Vendosja e SPAK, Byrosë së Hetimit dhe strukturave të reja të drejtësisë tek ish-ministria e Shëndetësisë, vetëm pak metra larg Policisë, është mbështetur edhe nga Ambasada e SHBA. Ministria e Shëndetësisë është zhvendosur tek ish-ministria e Mirëqenies Sociale dhe tek logoja e hequr shumë shpejt prite të vendoset emri i Strukturës së Posaçme kundër Korrupsionit dhe Krimit të Organizuar.

SPAK dhe BKH do hetojnë zyrtarë dhe ish-zyrtarë e lartë. Mes personave që do hetohen nga këto dy struktura janë deputetë dhe ish-deputetë, kryebashkiak, ministrat dhe ish ministrat, por edhe një sërë drejtuesish të tjerë dhe politikanë karriere.

Ish deputeti i Partisë Demokratike Astrit Patozi ka qenë sot i pranishëm në festën e organizuar nga kryetari i PD-së, Lulzim Basha, në kuadër të 27 vjetorit të gazetës “RD”.

Në një prononcim për mediat Patozi u shpreh se kishte ardhur në festë për “RD-në” dhe jo sepse e kishte ftuar Basha.

Më herët Basha ftoi Patozin dhe ish-deputetë e tjerë Topalli, Imami, Bregu dhe Patozi në festën e themelimit të PD-së por asnjë prej tyre  nuk shkoi ndonëse themelues.

“ Kam ardhur me bindjen jo thjeshtë si një ish-kryeredaktor i saj, si një gazetar i saj për shumë vite me radhë por më tepër si njëri prej njerëzve në Shqipëri që ka një koncept të qartë se çfarë është liria e medias dhe çfarë është liria e shtypit për një vend demokratik”, deklaroi Patozi për mediat.

Vetëm një ditë më parë, dy djemtë e Azem Hajdarit ranë në prangat e policisë pasi kishin dhunuar një person. Sot zbulohet arsyeja se pse Kirjol dhe Azem Hajdari u përfshinë në një konflikt të tillë të dhunshëm.

Sipas gazetës “Panorama”, dy djemtë e Azemit kanë parë një person duke dhunuar varrin e të atit. Kujtojmë se ngjarja ka ndodhur pikërisht te Varrezat e Dëshmorëve të Kombit. Sipas gazetës, më 24 dhjetor djali i vogël i Azemit ka shkuar te varri i të atit një ritual që sipas tij e bënte shpesh.

Mirëpo, kur Azemi është afruar pranë varrit ka parë që aty ishin dy persona të tjerë, njëri prej të cilëve që po tymosnin hashash te varri i babait të tij. Njëri prej tyre edhe 20- vjeçari Margjeka me të cilin u konfliktuan.

Pas arrestimit në pikën kufitare të Muriqanit, dy djemtë e Azemit u lanë të lirë.