Prokuroria e Krimeve të Rënda kërkoi dënimin e përjetshëm të David Qoses, nën akuzë për vrasjen e oficerit të policisë Ardian Kodra si edhe vrasjes së ngelur në tentativë të dy policëve të tjerë.

Prokuroria e Krimeve të Rënda kërkoi dënimin me burgim të përjetshëm të David Qosjes, i akuzuar për vrasjen e efektivit të FNSH-së Ardian Kodra dhe vrasjen e mbetur në tentativë për dy të tjerë. Qosja nuk shfaqi asnjë emocion në sallën e gjyqit.  Dy javë më parë, një grup eskspertësh psikiatër vlerësuan se David Qosaj, i pandehur tek Krimet e Rënda për vrasjen e një punonjësi policie, është i përgjegjshëm mendërisht. Por këtë të mërkurë, teksa prokurori i çështjes kërkoi dënimin e tij me burgim të përjetshëm, në fytyrën e të akuzuarit nuk u vu re asnjë emocion. Ai qëndroi krejtësisht i qetë teksa përfaqësuesi i akuzës rindërtoi para gjykatës skenën e vrasjes së efektivit të FNSH-së, Ardian Kodra në 2 shator 2016 në Torrovicë të Lezhës. Prokurori tha se shqyrtimi gjyqësor provoi tej çdo dyshimi se Qosaj është autori i vrasjes së efektivit Kodra dhe i tentativës së vrasjes së dy kolegëve të tij.  Në pretencën e prokurorisë thuhej se ditën e ngjarjes Qosaj u denoncua nga banorët e Torovicës pas të shtënave me armë që dëgjoheshin nga banesa e tij. Forcat e FNSH-së iu afruan godinës përmes një mjeti të blinduar. Më tej efektivi Kodra është pozicionuar pas një peme, ku ka thirrur disa herë emrin e të pandehurit. Në këtë moment, theksoi prokurori Blerim Tominaj, duke e ndjerë rrezikun më afër, i pandehuri ka qëlluar drejt blindit dhe njëri prej plumbave i ka marrë jetën efektivit.  Gjatë procesit, dëshmitarët e palës mbrojtëse, kryesisht familjarë të Qosajt këmbëngulën në faktin se pas vdekjes së të vëllait, i pandehuri ishte nje ri me humor të prishur dhe i paqëndrueshëm mendërisht. 

I akuzuari Qosaj iu nënshtruar një gjykimit të zakonshëm tek Krimet e Rënda. Për këtë shkak, nëse Gjykata pranon kërkesën e prokurorisë për mbyllje përjetë në qeli ai nuk do të fitojë ulje dënimi. 

Deputeti socialist, Saimir Tahiri, ka depozituar edhe njëherë në Kuvend dy nisma të tij ligjore që i kishte prezantuar edhe më parë. Bëhet fjalë për ndryshime në Kodin Penal që ndëshkojnë dhunën ndaj kafshëve si dhe përshtatjen e dënimit për kultivuesit dhe trafikantët e drogës në bazë së sasisë.

Deputeti socialist Saimir Tahiri kërkon ndryshime në Kodin Penal për të dënuar dhunën ndaj kafshëve dhe që mos dënohet njësoj ai që kapet me 1 gr hashash dhe ai që kapet me tonlata. 

Numri i nxënësve që i mungojnë shkollave nëntëvjeçare në Shqipëri krahasuar me katër vite më parë është më i madh se numri i banorëve në Kukës. 

Këtë vit shkollor në arsimin publik dhe privat janë regjistruar 62 mijë e 737 nxënës më pak se katër vite më parë, ndërsa Kukësi bazuar në censusin e 2011-es ka 47 mijë e 985 banorë. 

Shifra shqetësuese dalin në pah nga një përllogaritje e thjeshtë e të dhënave të publikuara nga Instituti i Statistikave në Vjetarin Statistikor Rajonal. 

Nëse në vitin shkollor 2012-2013 në arsimin nëntëvjeçar publik dhe privat janë regjistruar 390 mijë e 837 nxënës në vitin shkollor 2016 -2017 janë regjistruar 328 mijë e 100 nxënës.  

Rreth 24 mijë nxënës mungojnë vetëm në ciklin e ulët.   

Sipas Institutit të Statistikave ulja e vazhdueshme e nxënësve në arsimin paruniversitar në përgjithësi vjen si pasojë e uljes së numrit të lindjeve dhe emigrimit. 

Elbasani dhe Shkodra janë dy qytetet ku krahasuar me katër vite më parë numri i nxënësve në shkolla është më i ulët, përkatësisht me rreth 8 mijë nxënës më pak.  

Me pas vjen Fieri me rreth 7 mijë e 400 nxënës, ndiqet nga Tirana me rreth 7 mijë, Durrësi me rreth 5 mijë e 500. 

Numri më i ulët përllogaritet në Berat e Vlorë me rreth 3 mijë e 500 nxënës dhe në Gjirokastër me rreth 1 mijë e 500 nxënës më pak.  

Rënia e numrit të fëmijëve që frekuentojnë arsimin nëntëvjeçar ka bërë që në shumë  shkolla të krijohen klasat kolektive.  

Ashtu si dhe në Çermë të Divjakës pak ditë më parë, ku prindërit dolën në protestë për të kundërshtuar bashkimin e klasave të para, të dyta dhe të katërta. ///

IKMT nisi sot aksionit në Fushë Milot aty ku ndodhet një treg përgjatë rrugës kryesore tek kryqëzimi me Rrugën e Kombit. Dy objekte u rrëzuan nga fadromat, kurse shumë tregtarë të tjerë filluan vetë të largonin vetë mallin. Ministri i Infrastruktures dhe Industrisë Damian Gjiknuri mori pjesë vetë në këtë aksion. Ai tha se çdo objekt, apo tabelë në rrugët kryesore do të hiqet, ose me dëshirë ose me forcë.

Lulzim Basha nga foltorja e selisë blu denoncoi rritjen e varfërisë në Shqipëri, për të theksuar edhe njëherë rëndësinë e votës së lirë dhe misionin e tij në opozitë. Sipas Lulzim Bashës katër vitet e ardhshme do të rëndojnë edhe më në xhepat e shqiptarëve, kjo pasi kryeministri Rama i shërben kriminelëve si a ii Elbasanit, i cili sot, sipas Bashës, është jashtë kufijve shqiptar, në një vend anëtar të Bashkimit Europian

Kreu i shtetit Presidenti Ilir Meta ka nisur një vizitë zyrtare dy ditore në Kosovë ku fillimisht ka takuar homologun e tij, presidentin Hashim Thaçi. Në një konferencë të përbashkët për shtyp, Ilir Meta dhe Hashim Thaçi iu përgjigjën interesimit të gazetarëve mbi hapat e mëtejshëm drejt projektit të tyre të përbashkët, integrimin europian.

Me ftesë të presidentit Kosovar Hashim Thaçi, kreu i shtetit Shqiptar, presidenti Ilir Meta ka çelur një vizitë zyrtare dy ditore në shtetin fqinj.

Axhenda e presidentit Meta nisi me një takim kokë më kokë me Presidentin Thaçi, në përfundim të të cilit dy homologët mbajtën një konferencë të përbashkët për mediat, e paraprirë nga një dekoratë.

Një përmbledhje të diskutimeve mes krerëve të dy shteteve shqiptare, e bëri ai i Kosovës, Hashim Thaçi.

Duket se i ka shtrirë dorën për ndihmë homologut Meta.

Presidenti Meta u shpreh në vështirësi. Ia njeh padrejtësinë e bërë ndaj tyre, por zgjidhja duket se nuk e bind plotësisht.

Mund mos jetë zgjidhja më e mirë, por sot duket si e vetmja, ndaj solli një fakt në kujtesën europiane.

Në përfundim të takimit, dy presidentët shqiptarë Thaçi dhe Meta firmosën një deklaratë që zoton refuzimin e tyre ndaj çdo alternative që nuk është ajo e integrimit europian dhe euroatlantik. ///

Mëngjesi i të martës e gjeti ish-ministrin e Brendshëm Saimir Tahiri në Gjykatën për Krimet e Rënda. Ish-anëtari i kabinetit qeveritar, thuajse më i sulmuari nga Opozita gjatë detyrës, u përball për herë të parë në një ambient publik me Emiliano Shullazin. 

Sali Berisha do të thirret si dëshmitar në gjyqin kundër Emiljano Shullazit, pas një kërkese të të pandehurit në çështjen e kërcënimit të Rektorit të universitetit, Mynyr Koni dhe paraardhësit të tij Dhori Kule. “Emiljano Shullazi i kërkon profesor Mynyr Konit të tërhiqet nga gara ose do t’i rrëmbehet djali”, deklaronte Berisha para zgjedhjeve për Rektor në Universitetin e Tiranës.   Rrëfimi i tre dëshmitarëve që treguan se janë informuar nga deklarata e ish-Kryeministrit Sali Berisha  për kërcënimin e kandidatit për Rektor Mynyr Koni ka sjellë reagimin e të akuzuarit Emiljano Shullazi. I vetëm para gjykatës kësaj radhe, pasi katër të bashkëpandehur me të nuk u paraqitën, Emiljano Shullazi së bashku me mbrojtësin kërkuan të thirret ish-Kryeministri Berisha si dëshmitar.  39-vjeçari që akuzohet edhe për kërcënimin e Konit dhe Kules kërkon t’i thuhet Gjykatës së Krimeve të Rënda se kush e ka vendosur në dijeni ish-Kryeministrin për këtë ngjarje.  Gjykata e pranoi kërkesën edhe pasi më herët emri i ish-Kryeministrit u lakua edhe nga dëshmitari Saimri Tahiri, që u pyet për kohën kur ka mbajtur detyrën e ministrit të Brendshëm. “E mësova kërcënimin e profesorëve nga një denoncim i Sali Berishës dhe nuk e kuptoj përse nuk e keni thirrur”, deklaroi Saimir Tahiri.  Saimir Tahiri nuk hoqi dorë edhe në gjykatë me akuzat e tij kundër Prokurorisë duke komentuar se kështu ndodh kur prokuroria është politike. Tahiri kujtoi se  dy profesorët i kishin folur me hamendje për kërcënuesit, ndërkohë që për këtë ngjarje mjaftonte denoncimi i Berishes dhe shqetësimi i dy profesorëve.  “Kërcënuesit i kishin thënë Mynyr Konit të tërhiqej nga gara ndryshe do ta pësonte”. Kështu ja kishte përshkruar ministrja e Arsimit Haki Çakos kanosjen e Mynyr Konit.  “Kush më identifikoi mua?”, e pyeti Emiljano Shullazi drejtorin e Përgjithshëm të Policisë, Çako, i cili u përgjigj se emri i tij ishte përmendur nga deklaruesi Dhori Kule.  Ndonëse ishte i përpiktë në orar, profesori Dhori Kule nuk dëshmoi pasi u largua nga gjykata për arsye të pashpjegueshme familjare. Në gjykatë dëshmuan edhe profesorët Majlinda Keta, Shezai Rrokaj dhe Klodeta Dibra.