Gjatë një takimi me një biznesmen në qytetit e Shkodrës, kandidati i PD-së në këtë qytet Bardh Spahia duket se është vënë në siklet gjatë bisedës me të pasi biznesmeni i ka thënë se Jozefina nuk mund të zëvendësohet nga askush.

Mospërfshirja e Topallit në listat e PD-së ka sjellë shumë reagime në opinionin publik, dhe me sa duket shkodranëve nuk u pëlqen kjo gjë.

Gjatë bisedës me biznesmenin, Spahia është munduar ta anashkalojë duke u shprehur se një vend nuk duhet të ngel vetëm me një apo dy persona.

Biseda:

Biznesmeni: Je djali i mirë boll, je djali i kujt je, por Jozefina ash se nuk mund të zëvendësohet.

Spahia: Atë mendojmë, krejt e respektueshme.

Biznesmeni: Nuk mundet me e zëvendësu kush, kush e zëvendëson? Po tana mo kto që janë ba, tana këto rrugica dhe rrugë, po Jozefina t’i ka kthy këto. Mos me pa kenë Jozefina, kishim ken hala tu u myt lopa në asfalt.

Spahia: Ashtu….hm… ashtu e mendojmë dhe ne…

Biznesmeni: Më falni është personal krejt, unë e kam mbrojt gjithmonë, se e kam mbrojt si shkodrane që ka dhënë për Shkodrën.

Spahia: …por sigurisht…hm… këtë e them në përgjithësi, jopër Jozefinën apo për Bardhin…. Në përgjithësi them, mos met një vend vetëm me një a dy persona.

http://www.dailymotion.com/video/x5pnj9i_biznesmeni-shkodran-jozefina-e-pazevendesueshme_news

Për herë të parë ish-kryeministri Sali Berisha ka pranuar të flasë situatën aktuale të PD-së e për përplasjet e mëdha brenda saj, të cilën ai vetë e ka drejtuar për një çerek shekulli.

Gjatë një interviste të dhënë për gazetarin Lutfi Dervishi e cila do të trasmetohet e plotë ditën e premte në TVSH, ish-kryeministri Berisha i është përgjigjur pyetjes së gazetarit Dervishi në lidhje me konfliktet e brendshme në PD.

Njeriu i fundit që mund të pyetet për problemet e brendshme jam unë. Statusi im është i tillë. Çdo lloj qëndrimi publik do më nxirtte nga statusi i një njeriu të dorëhequr përgjithmonë”,- i ka thënë ai Dervishit.

Në lidhje me listat e kandidatëve të PD-së për zgjedhjet e 25 qershorit, Berisha ka deklaruar se Basha ka të drejtë të ketë listën e tij.

Kryetari ka pranuar që këto janë listat e fundit që bëhen në këtë mënyrë. Kryetari ka të drejtë të ketë listën e tij”,- është shprehur Berisha.

Ndërkohë i pyetur në lidhje me reagimet e forta të Jozefina Topallit dhe Arben Imamit të cilët kërkuan largimin e Bashës nga PD-ja, dhe se me kë është në këtë konflikt e a mbështet ai Bashën pa kushte, Berisha i është anashkaluar pyetjes duke u shprehur se nuk ka asnjë koment.

Më tej, pyetjes së gazetarit Dervishi se çdo të ndodhë me Bashën nëse humbet do të largohet a jo, ish-kryeministri ka deklaruar se është zgjedhje e Bashës dhe se nuk është kriter që nëse humbet largohesh.

Kryetari aktual ka përcaktuar që do të bëjë zgjedhjet e partisë. Kjo ishte një zgjedhje personale. Ky kriter nuk është i domosdoshem për të gjithë”,-tha Berisha.

Kandidati i PD-së në Gjirokastër Tritan Shehu pas denoncimit që bëri ditën e djeshme, ku sipas tij, Ministrja e Kulturës, Mirela Kumbaro po shpërdoron fondet e ministrisë në fushatën elektorale.

Ditën e sotme Shehu i ka bërë thirrje ambasadorëve të mos bëhen pjesë e fushatës elektorale në Gjirokastër.

Postimi i Shehut në Facebook:

Ish-ministri i Drejtësisë, Ylli Manjani, në një status në Facebook ka denoncuar rrënimin e një manastiri 400 vjecar në Leshnicë të Sarandës ndërkohë që kryeministri Edi Rama ndodhet në Sarandë për fushatën elektorale të 25 qershorit.

Manasti mbi 400-vjeçar i Shën Athanasit në Leshnicën e Poshtme, objekt i kategorisë së parë, rreth 50 km larg Sarandës është lënë totalisht pas dore derisa është rrënuar.

Sipas Manjanit, janë shpenzuar mijëra dhe miliona euro me pretekstin se po përmirësojnë qytetet dhe po restaurojnë objektet kulturore por asnjë investim nuk është bërë për manastirin e Shën Athanasit, i cili është rrënuar.

Ky manastir 400 vjecar u shemb, jo nga terrorizmi por nga qeveria e Rilindjes!, ka shkraur Manjani në Facebook.

https://www.facebook.com/permalink.php?story_fbid=302212733556507&id=100013033472627